Вы тут

Як прайшло закрыццё «Славянскага базару-2019»


У ноч на 16 ліпеня ў Віцебску прайшло афіцыйнае закрыццё «Славянскага базару-2019»: значна менш пафаснае, чым цырымонія адкрыцця, але таксама з «фанерай» і дзіўным падборам артыстаў.


Напрыклад, у праграме канцэрту расійская тэлевядучая і спявачка Вольга Бузава суседнічала з інструментальным «Церам-квартэтам» і ансамблем віцебскіх балалаечніц, а прывітанне з дыскатэкі пачатку 2000-х Саша Папоў — з пераможцай опернага конкурсу Ксеніяй Дзежневай.

Пераможца конкурсу маладых выканаўцаў Адзільхан Макін з Казахстана атрымаў у дадатак да Гран-пры спецыяльную прэмію Прэзідэнта Беларусі «Славянская Надзея» (за лепшае ўвасабленне славянскай тэмы) і на радасцях яшчэ раз выканаў конкурснае «Возера надзеі». Усім астатнім канкурсантам пажадалі зноў вярнуцца на віцебскую сцэну і скарыць публіку.

Экс-салістка шведскага гурта «Ace of Base» Джэні Бергрэн, «Сурганава і аркестр», украінскі спявак Melovin, юная вучаніца Нацыянальнага цэнтра музычнага мастацтва імя Ул.Мулявіна Маша Жыліна, яшчэ шэраг выканаўцаў выступалі жыўцом, а вось некаторыя іншыя, даволі вядомыя артысты, не грэбавалі фанаграмай, нават не стараючыся стварыць ілюзію спеваў... Хіба што правераная старая гвардыя — Іна Афанасьева, Сасо Паўліяшвілі, Тамара Гвердцытэлі, Аляксандр Маршал, Надзея Кадышава — ішла ў публікі на ўра.

Атрымаўся такі сабе музычны вінегрэт, у якім розныя артысты і вядучыя так хутка змянялі адзін аднаго, часам мяняючы ролі, што ніякай агульнай ідэі ўлавіць не выходзіла. Хіба што адначасова сум і радасць ад таго, што фестываль нарэшце скончыўся.

Вікторыя ЦЕЛЯШУК

Фота Ганны ЗАНКАВІЧ

Выбар рэдакцыі

Грамадства

У 72-м аб'яднаным вучэбным цэнтры юнакі атрымліваюць і грамадзянскія спецыяльнасці

У 72-м аб'яднаным вучэбным цэнтры юнакі атрымліваюць і грамадзянскія спецыяльнасці

72-і аб'яднаны вучэбны цэнтр, што ў Печах, — самая вялікая воінская часць у Беларусі. 

Грамадства

Распавядаем, як арганізавана меддапамога ў Паставах

Распавядаем, як арганізавана меддапамога ў Паставах

Самым аддаленым ад абласнога цэнтра раёне краіны.

У свеце

Чаму Дональд Трамп захацеў набыць Грэнландыю?

Чаму Дональд Трамп захацеў набыць Грэнландыю?

Цяпер гэтая аўтаномная тэрыторыя ўваходзіць у склад Каралеўства Данія.

Грамадства

Школы Гомельшчыны прайшлі праверку на гатоўнасць да навучальнага года

Школы Гомельшчыны прайшлі праверку на гатоўнасць да навучальнага года

Сё­ле­та ў да­школь­ныя ўста­но­вы ра­ё­на прый­дзе 2 700 ма­лых.