Вы тут

Вызначыўся пераможца «Славянскага базару-2019»


Міжнароднае журы на чале з народнай артысткай Расіі і Грузіі Тамарай 15 ліпеня ўручыла дыпломы і прэміі Міжнароднага конкурсу маладых выканаўцаў.


Дыпламантамі творчага спаборніцтва сталі прадстаўнікі Кітая, Швейцарыі, Арменіі, Латвіі, Літвы, Мальты, Малдовы, Балгарыі, Германіі і Польшчы.

3-ю прэмію памерам у 5 тысяч долараў суддзі вырашылі падзяліць паміж Іванам Дзятлавым з Расіі і Дзмітрыем Бабаком з Украіны. 

2-ю прэмію і па 5 тысяч долараў кожны атрымалі беларус Ваня Зданюк і ўдзельніца з Ізраіля Ілай. «Ці засмучаны я? Ды ніколечкі, — падзяліўся ўражаннямі Ваня Зданюк. — Я ўвайшоў у тройку прызёраў прэстыжнага міжнароднага конкурсу, атрымаў бясцэнны вопыт і, мяркуючы па прыёму гледачоў, знайшоў сваю аўдыторыю, якой цікава і падабаецца тое, што я раблю. Бязмежна ўдзячны маёй сям’і і ўсёй вялікай камандзе за падтрымку, якую адчуваў кожны дзень».

Георгій Путкарадзе з Грузіі стаў уладальнікам 1-й прэміі і 15 тысяч долараў, а ў адказ прызнаўся: «Нават калі я не атрымаў бы гэту ўзнагароду, адчуваў бы сябе пераможцам, як і кожны з канкурсантаў — настолькі цёпла прымала нас віцебская публіка».

Што да Гран-пры, галоўнай «Ліры» і грашовай прэміі памерам у 20 тысяч долараў, то тут інтрыгі практычна не было — Адзільхан Макін з Казахстана ўпэўнена абышоў усіх сапернікаў. Нагадаем, дагэтуль Казахстан атрымліваў Гран-пры толькі аднойчы — у 2015-м, калі конкурс маладых выканаўцаў выйграў Дзімаш Кудайбергенаў.

Таксама партнёры конкурсу ўручылі спецыяльныя ўзнагароды. Так, прыз Парламенцкага сходу Саюза Беларусі і Расіі прадказальна атрымалі Ваня Зданюк (Беларусь) і Іван Дзятлаў (Расія). Прэмія імя Ул.Мулявіна за лепшае ўвасабленне нацыянальнай тэмы была прысуджана Паўліне (Літва), прыз МТРК «МІР» у 2 тысячы долараў — Лідзіі Ісак (Малдова), а прадстаўнікам Балгарыі і Латвіі падарылі адпачынак на Мальце і ўдзел у міжнародным конкурсе.

Вікторыя ЦЕЛЯШУК

Фота Ганны ЗАНКАВІЧ

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.