Вы тут

Тэмпература будзе на 3-5 градусаў ніжэй за кліматычную норму ліпеня


У чэрвені мы знемагалі ад спёкі, прасілі сонейка быць менш гарачым. Але прыйшоў ліпень і ўсё змянілася. Дажджы, навальніцы, слабы туман і далёка не летняе надвор'е. І цяплей пакуль не будзе. У бліжэйшыя дні на тэрыторыю краіны працягне паступаць паветраная маса з поўначы Еўропы, так што разлічваць на цяпло не прыходзіцца. Праўда, у выхадныя дні дажджоў будзе менш, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Сёння ўдзень на большай частцы тэрыторыі краіны пройдуць кароткачасовыя дажджы, у асобных раёнах з навальніцамі. Максімальная тэмпература паветра ад плюс 16 да плюс 22 градусаў. А вось у суботу ўначы будзе пераважна без ападкаў. Удзень у асобных раёнах краіны пройдуць кароткачасовыя дажджы, магчымыя навальніцы. У начныя і ранішнія гадзіны чакаецца слабы туман. Тэмпература паветра ўначы складзе 5—12 цяпла, удзень — плюс 16—23 градусы. У нядзелю месцамі не абыдзецца без кароткачасовых дажджоў, удзень у асобных раёнах магчымыя навальніцы. У начныя і ранішнія гадзіны месцамі чакаецца слабы туман. Тэмпература паветра ўначы складзе ад плюс 7 да плюс 14 градусаў, удзень — 15—22 цяпла.

Паводле папярэдніх прагнозаў айчынных сіноптыкаў, у панядзелак у асобных раёнах пройдуць кароткачасовыя дажджы, удзень магчымыя навальніцы. Уначы і раніцай месцамі магчымы слабы туман. Тэмпература паветра ўначы складзе 7—13 цяпла, днём — ад плюс 16 да плюс 23 градусаў.

Сяргей КУРКАЧ

 

Загаловак у газеце: Холадна не па сезоне

Выбар рэдакцыі

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.

Грамадства

Як Брэст рыхтуецца да святкавання свайго 1000-годдзя

Як Брэст рыхтуецца да святкавання свайго 1000-годдзя

Афіцыйныя святкаванні і асноўныя мерапрыемствы гарадскога Міленіума пройдуць 6—8 верасня.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ляльку з секс-шопа, галубоў на ігрушы і дзяўчынку, якая схавала пашпарты.