Вы тут

Беларускае радыё і "Маладосць" праводзяць літаратурны конкурс да Году малой радзімы


Першы нацыянальны канал Беларускага радыё і літаратурна-мастацкі часопіс “Маладосць” запрашаюць паўдзельнічаць у сумесным праекце-конкурсе “Бацькаўшчына светлая мая”, прысвечаным Году малой радзімы.


Праект-конкурс пачаўся летась, у кастрычніку. За 9 месяцаў любоў да роднай зямлі ў мастацкіх работах выказалі 249 удзельнікаў. Прыгажосць свайго куточка, гісторыю і культуру любімых мясцін апісалі ў 594 творах.

“Сярод канкурсантаў – школьнікі і студэнты, настаўнікі і медыкі, бібліятэкары і бізнесмены, хатнія гаспадыні і юрысты, супрацоўнікі самых розных структур і, вядома, прафесійныя літаратары, – адзначае загадчык аддзела літаратурна-мастацкіх праграм Першага нацыянальнага канала Беларускага радыё Галіна Шаблінская, – Самым юным удзельнікам – 11-13 гадоў, самым сталым – больш за 80".

Геаграфія конкурса вельмі шырокая: лісты прыходзяць літаральна з усіх кутоў Беларусі: вёсак, аграгарадкоў, гарадскіх пасёлкаў і гарадоў. Ёсць нават і замежныя адрасанты.

Свае лепшыя творы аўтары ўжо чытаюць у радыёпраграмах “Творчы вечар” і “Літаратурны калейдаскоп”, іх друкуюць у "Маладосці".

Абярэ пераможцаў прафесійнае і бездакорнае журы ў кастрычніку. А да канца верасня ўсе жадаючыя могуць даслаць свае заяўкі, а таксама творы ў намінацыях "Паэзія" і "Эсэ" на адрасы электроннай пошты shablinskaya@radio.tvr.by і vdsd@tut.by.

За падрабязнасцямі можна звярнуцца на сайт Беларускага радыё.

Выбар рэдакцыі

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.

Грамадства

Як Брэст рыхтуецца да святкавання свайго 1000-годдзя

Як Брэст рыхтуецца да святкавання свайго 1000-годдзя

Афіцыйныя святкаванні і асноўныя мерапрыемствы гарадскога Міленіума пройдуць 6—8 верасня.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ляльку з секс-шопа, галубоў на ігрушы і дзяўчынку, якая схавала пашпарты.