Вы тут

Рэцэпт скавароднікаў з тварагом і зяленівам


Спатрэбіцца. Для цеста: мука — 450 г, вада — 200 мл, алей — 1 ст. л., соль — 1 ч. л. без горкі. Для начынкі: тварог — 300 г, зялёная цыбуля, кроп, кінза, перац чорны молаты і соль — на смак. Масла — для змазкі.


Прапорцыі ў начынцы можна вар'іраваць па перавагах: менш тварагу і больш зяленіва, больш тварагу і трохі зяленіва. Цеста абавязкова трэба раскатваць вельмі тонка і змазваць такія скавароднікі маслам адразу ж, зняўшы з патэльні, тады іх смак не расчаруе.

Можна таксама дадаваць у начынку свае любімыя спецыі.

У місцы змяшаць ваду, соль, алей і дадаць шклянку мукі. Затым усыпаць яшчэ шклянку мукі і паспрабаваць замясіць цеста. Яно атрымаецца вельмі мяккае і ліпкае, яшчэ не канчаткова патрэбнай кансістэнцыі. Падсыпаючы малымі порцыямі астатнюю муку, замясіць вельмі мяккае цеста. Пакінуць яго пад ручніком, а тым часам падрыхтаваць начынку.

Тварог злучыць з сечаным зяленівам і соллю. Пасыпаць любімымі спецыямі і чорным перцам.

Цеста падзяліць на шэсць роўных частак. Узяць у работу адну частку цеста, астатнія шчыльна загарнуць у ручнік. Раскатаць цеста ў тонкую аладку, падсыпаючы муку па неабходнасці. У цэнтр выкласці тварожную начынку. Зашчыпаць скавароднік, збіраючы яго краі да сярэдзіны і выганяючы паветра знутры. Затым асцярожна раскатаць да тонкага стану, імкнучыся не парваць. Калі такое адбылося, то прысыпаць разрыў мукой.

Скавароднік атрымліваецца празрысты, з тонкім цестам. Гэта важна, каб пры абсмажванні цеста абавязкова паспела прыгатавацца.

Выраб трэба абсмажыць з двух бакоў на сухой патэльні. Пры абсмажванні можна накрываць патэльню накрыўкай. Гатовыя скавароднікі адразу ж змазваць маслам.

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.