Вы тут

Больш як $1200 атрымаў праект «Новае жыццё ў абмен на накрыўкі»


Атрымалі актывісты сацыяльна-экалагічнага дабрачыннага праекта «Новае жыццё ў абмен на накрыўкі». Грошы перадалі на лекі і прагулачную каляску аднаму з падапечных праекта Грышу Доўгіх. За дзевяць месяцаў, дзякуючы асобнаму збору накрывак з-пад бутэлек, напояў, тэтрапакаў, бытавой хіміі і парфумерыі, удалося «закруціць першую добрую справу», кажуць арганізатары праекта.


Штогод у Беларусі ўтвараецца больш за 4000 тон пластыкавых накрывак, кошт якіх як другаснай сыравіны — каля 800 тысяч долараў. Накрыўка і кальцо з-пад яе вырабляюцца з карыснага пластыку, які можна перапрацаваць як другасныя матэрыяльныя рэсурсы ў гранулы. А ўжо з іх пасля ствараюць новыя палімерныя вырабы, канцтавары, адзенне, мэблю.

— У нашага падапечнага Грышы ДЦП і спастычны тэтрапарэз 3-й ступені цяжкасці. Дзякуючы ўдзельнікам праекта ў хлопчыка з'явілася неабходная каляска, якая дазваляе яму самастойна ўтрымліваць галаву і спіну. Яму набылі лекі, — падзялілася кіраўнік праекта «Новае жыццё ў абмен на накрыўкі» Наталля КУНЦЭВІЧ. — Спецыяльныя кантэйнеры для збору накрывак стаяць, напрыклад, у гандлёвых цэнтрах нашых партнёраў, што далучыліся да акцыі, крамах «Віталюр», «Суседзі», «Буслік».

У кантэйнеры можна кідаць усе пластыкавыя накрыўкі з маркіроўкай «02»/«2», «04»/«4», «05»/ «5». Яны павінны быць чыстыя і без металічных, фальгіраваных ці папяровых укладышаў. Калі ў тых, хто хоча дапамагчы людзям з інваліднасцю, ёсць магчымасць адсартаваць накрыўкі, перш чым пакласці іх у кантэйнер ці перадаць валанцёрам праекта, гэта будзе яшчэ лепш, бо такая сыравіна каштуе даражэй.

Даведацца пра пункты збору пластыкавых накрывак у Беларусі можна па спасылцы https://vk.com/topіc-12715323_39979593.

Ірына СІДАРОК

Загаловак у газеце: Больш як 1200 долараў за пластыкавыя накрыўкі

Выбар рэдакцыі

Грамадства

Міністр аховы здароўя расказаў пра стан медыцыны ў краіне

Міністр аховы здароўя расказаў пра стан медыцыны ў краіне

У 2019 годзе медыцынскую дапамогу ў Беларусі аказвалі на належным узроўні.

Эканоміка

Ці можна гандляваць у падземных пераходах?

Ці можна гандляваць у падземных пераходах?

Быў час, калі людзі, якія гандлявалі ў пераходах, «ставілі» на выхадзе з перахода чалавека, які папярэджваў аб набліжэнні міліцыянераў.

Грамадства

У чым сутнасць вішынгу — аднаго з відаў махлярства

У чым сутнасць вішынгу — аднаго з відаў махлярства

З выкарыстаннем сацыяльнай інжынерыі. 

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.