Вы тут

Унікальны лазерны пінцэт укараняецца ў навучальны працэс у БДУ


Упершыню студэнты БДУ змогуць праводзіць навуковыя даследаванні з дапамогай аптычнага пінцэта на аснове лазера. Гэта стала магчымым дзякуючы распрацаванаму на фізічным факультэце ўніверсітэта навукова-навучальнаму комплексу па аптычнаму  маніпуляванню мікрааб'ектамі. Кіраўніком праекта выступіў загадчык кафедры лазернай фізікі і спектраскапіі Аляксей Тоўсцік.


На дадзены момант БДУ з'яўляецца адзінай ВНУ ў краіне, дзе ўнікальную  прыладу ўкаранілі ў навучальны працэс. Лазерны інструмент дазволіць удасканальваць тэарэтычныя веды і развіваць у студэнтыў практычныя навыкі ў галіне оптыкі, лазернай фізікі і нанафатоніцы, фізікі нанаматэрыялаў і нанатэхналогій, біяфізікі і біятэхналогій.

Аптычны прыбор дазваляе маніпуляваць мікрааб'ектамі, захопліваць і перамяшчаць іх з дапамогай лазерных пучкоў, вымяраць сілу захопу мікрачасціц для светлавых палёў рознай структуры, палярызацыі і інтэнсіўнасці. З дапамогай створанага лазернага пінцэта можна вывучыць прынцып працы аптычных пастак, якія здольныя ўтрымліваць мікрааб'екты на працяглы час. Найбольш запатрабаваныя аптычныя пасткі ў біяінжынерыі і нанатэхналогіях, мікра- і нанамеханіцы, мікрахірургіі.

Выкарыстанне аптычнага пінцэта пры выкананні лабараторных і курсавых работ цалкам бяспечнае. Спецыяльна створаная канструкцыя забяспечвае абарону студэнтаў ад лазернага выпраменьвання.

Лазерны пінцэт, распрацаваны ў БДУ, выкананы на аснове тэхналогіі амерыканскага навукоўца Артура Эшкіна, які атрымаў Нобелеўскую прэмію у 2018 годзе за вынаходства аптычнай прылады.

Надзея НІКАЛАЕВА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.