Вы тут

Сістэмы відэаназірання і Wі-Fі цяпер ёсць на адноўленай аўтастанцыі ў Петрыкаве


Райцэнтр рыхтуецца да правядзення абласных Дажынак-2019. І цалкам рэканструяваная аўтастанцыя — першы падарунак гораду ў глыбінцы Палесся.


Рэканструкцыю за ўласныя грошы выканаў яе ўласнік — адкрытае акцыянернае таварыства «Гомельаблаўтатранс». Агульная сума ўкладзеных прадпрыемствам сродкаў складае 390 тысяч рублёў. Справіліся за чатыры месяцы.

Першая ў гісторыі Петрыкава аўтастанцыя знаходзілася ў цэнтры горада. За 45 гадоў значна павялічылася колькасць пасажыраў. Узраслі і іх патрабаванні да камфорту. Пасля рэканструкцыі будынак набыў новае аблічча. Цяпер тут абсталявана сучасная зала чакання з мультымедыйным экранам і Wі-Fі, сістэмай гучнай сувязі, магчымасцю зарадкі мабільных тэлефонаў і ноўтбукаў, сістэмай відэаназірання і ахоўна-пажарнай сігналізацыяй. Падсілкавацца перад дальняй дарогай пасажыры могуць у кавярні, аформленай з беларускім каларытам.

Цалкам абноўлены перон і тэрыторыя навокал. Будынак упрыгожаны керамагранітам, устаноўлены дэкаратыўная агароджа і новы навес на пероне. Як паведаміў намеснік дырэктара ААТ «Гомельаблаўтатранс» Алег Цылько, падчас рэканструкцыі стварылі безбар'ернае асяроддзе для пасажыраў з абмежаванымі магчымасцямі.

Аўтастанцыя ў Петрыкаве сёння прапануе ўвесь спектр запатрабаваных паслуг: ад продажу квіткоў анлайн да афармлення праезду па маршрутах фармату «цягнік+аўтобус». Цяпер аўтастанцыя абслугоўвае 24 прыгарадныя і чатыры міжгародныя маршруты, а штодзённы пасажыраабарот складае 250 чалавек.

Ірына АСТАШКЕВІЧ

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.