Вы тут

Уладальнік «Залатой пальмавай галіны» выходзіць у мінскі пракат


Аднадушна расхваленая прафесійнай публікай карціна «Паразіты» Пона Джун Хо, якая на апошнім Канскім кінафестывалі атрымала «Залатую пальмавую галіну», з 4 да 17 ліпеня будзе паказвацца ў Falcon Club Буцік Кіно і кінатэатрах «Кінавідэапракату».


Фота: daily.afisha.ru

На галоўным кінааглядзе свету «Паразіты» былі сардэчна прынятыя як журы, так і крытыкамі. The Guardian назваў новую работу аўтара фільмаў «Маці», «Гаспадар» і «Окча» «раскошна глядзібельнай сатырычнай саспенс-драмай», а The Hollywood Reporter — «цёмным сямейным фарсам, дзе адзінымі монстрамі з’яўляюцца людзі». У цэлым карціну называюць драмай, трылерам, нуарам, а сам Пон Джун Хо — «камедыяй без клоўнаў і трагедыяй без злачынцаў».

Гаворка ідзе пра беспрацоўную сям’ю Кі Тэк, якая зарабляе толькі тым, што складвае з нарыхтовак каробкі для піцы. Аднойчы старэйшаму сыну шчасціць, падрабіўшы дыплом, трапіць на цудоўнае месца прыватнага рэпетытара для дачкі багатага бізнесмена. Ён прыходзіць у шыкоўны дом свайго працадаўцы пад новым імем Кевін і пакідае ў яго жыхароў, сям’і з таксама чатырох чалавекаў, добрае ўражанне. Ён рознымі спосабамі і на розныя вакансіі пераводзіць сюды ўсю сваю сям’ю, з чаго мае пачацца ўсё самае цікавае.

Пон Джун Хо — адзін з найцікавейшых сучасных рэжысёраў Паўднёвай Карэі, яго карціны «Успаміны пра забойства» і «Гаспадар» былі лідарамі праката, а «Окча» удзельнічала ў конкурсе Канскага кінафестывалю 2017 года. «Паразітаў» ужо параўналі з уладальнікам «Залатой пальмавай галіны» мінулага года — японскай сацыяльнай драмай «Магазінныя зладзюжкі» Хіракадзу Карээды, а таксама знайшлі агульнае з вядомымі паўднёвакарэйскімі фільмамі «Служанка» Пака Чхан Ука і «Палаючы» Лі Чхан Дона.

4 ліпеня паказ адбудзецца ў рамках праекта «Зала № 4» — фільм прадставіць праграмны дырэктар кінафестывалю «Лістапад» Ігар Сукманаў.

Ірэна КАЦЯЛОВІЧ

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.