У наш бок прыйдзе пахаладанне, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Паводле інфармацыі сіноптыкаў, на гэтым тыдні чакаецца няўстойлівае надвор'е. Першы дзень ліпеня быў гарачы, ужо ў сярэдзіне дня тэмпература паветра ў многіх раёнах краіны перавысіла адзнаку плюс 30 градусаў. Але сёння спякота спадзе, а ў сярэдзіне тыдня на тэрыторыю краіны пачне паступаць больш халоднае паветра з поўначы Еўропы, і тэмпературны фон панізіцца.
Сёння ўдзень у асобных раёнах краіны пройдуць кароткачасовыя дажджы, месцамі прагрымяць навальніцы. Максімальная тэмпература паветра ад плюс 20 да плюс 26 градусаў. У сераду, пераважна па паўночнай частцы краіны, месцамі чакаюцца кароткачасовыя дажджы і парывісты вецер. Уначы будзе ад 8 цяпла да плюс 15 градусаў. Тэмпература спадзе і днём: чакаецца ў асноўным ад плюс 15 да плюс 22 градусаў, а па паўднёвым усходзе краіны паветра прагрэецца да 24 цяпла.
Не зменіцца надвор'е і ў чацвер. У гэты дзень месцамі па краіне пройдуць кароткачасовыя дажджы. Уначы будзе ад 6 да 11 градусаў цяпла, удзень — плюс 15—22. Паводле папярэдніх прагнозаў айчынных сіноптыкаў, у пятніцу ўначы ў паўночна-заходніх, а ўдзень і ў цэнтральных раёнах краіны чакаюцца кароткачасовыя дажджы. Месцамі магчымы навальніцы. Тэмпература паветра ўначы складзе ад плюс 6 да плюс 12 градусаў, удзень — 14—21 цяпла, па поўдні краіны паветра прагрэецца да плюс 22—26 градусаў.
Сяргей КУРКАЧ
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.