Вы тут

Раім схадзіць


Майстар-клас «Індыйскія прысмакі», велаэкскурсія ў Лошыцкім парку, ноч паэзіі ў Купалаўскім тэатры, футбол і іншае - афіша «Звязды» з 1 па 7 ліпеня.


Серыя сустрэч. «Minsk Change Makers»

Дзе: Корпус, пр-т Машэрава, 9, памяшканне 8

Калі: 2 ліпеня ў 12:00

Колькі каштуе: бясплатна

Minsk Change Makers - гэта супольнасць людзей, для якіх важныя новыя знаёмствы і ажыўленыя абмеркаванні. Каштоўнасць сустрэч складаецца ў саміх зносінах, і для гэтага арганизатары прыдумалі такі фармат, дзе ёсць людзі, але няма сумных лекцый і доўгіх прэзентацый. Туды запрашаюць вас у прастору адкрытага дыялогу з адзіным правілам: прыйшли - не рабейце! Знаёмцеся, кажыце і слухайце, спрачайцеся і абмяркоўвайце.

Тэма сустрэчы 2 ліпеня - разумны горад (smart city). Разам з экспертам Уладзімірам Батаевым будзе весціся абмеркаванне:

  • як гарады дамагаюцца паляпшэння якасці гарадскіх паслуг і ўзроўню жыцця гараджан з дапамогай разумных сістэм і тэхналогій;
  • дзе месца Мінска ў свеце ў разумнагарадской тэме;
  • ці можам мы прапанаваць сваё, спецыфічнае ўсходнееўрапейскае бачанне, адрознае ад іншых і прымяняльнае не толькі ў Беларусі.

Майстар-клас «Індыйскія прысмакі»

Фота: pahalwans.com

Дзе: Індыйскі культурны цэнтр, вул. Рэпіна 4, уваход з боку вул. Ціміразева

Калі: 3 ліпеня з 15:00 да 18:00

Колькі каштуе: 45 BYN. Рэгістрацыя абавязковая па спасылцы.

На майстар-класе гатаваць будзе кожны. Індыйскія прысмакі асаблівыя, працэс іх прыгатавання вельмі незвычайны.

Самыя папулярныя вегетарыянскія індыйскія прысмакі з беларускіх прадуктаў:

  1. Ладу (Besan ladoo) - ладу з нутовой мукі, самы папулярны індыйскі дэсерт, які гатуюць на ўсе фестывалі і святы;
  2. Барфі (Kaju barfi) - барфі з кеш'ю;
  3. Джалебі (Jalebi) - адзін з самых папулярных традыцыйных індыйскіх дэсертаў з нутовой мукі у цукровым сіропе.

KINOkorpus: Unknown Movie

Дзе: Корпус, пр-т Машэрава, 9, памяшканне 8

Калі: кожную сераду ў 20.00 

Колькі каштуе: бясплатна

Культурны цэнтр Корпус запускае другі сезон бясплатных таямнічых кінапаказаў KINOkorpus: outside the box.

Разам з куратарам #kinokorpus Марыяй Траўберг будуць працягваць тварыць, што хочуць. Са скрынкі з назвамі самых дзіўных, страшных, кранальных, смешных, нудных ці зачароўваючых фільмаў арганізатары дастаюць ўсляпую запаветную паперку ​​і паказваюць тое, што загадаў лёс.

  • Будзьце гатовыя да таго, што ў гэтай скрынцы няма ніводнага фільма, назва якога хоць раз у жыцці прабягала перад вашымі вачыма.
  • Будзьце гатовыя сысці праз 5 хвілін або ўліпнуць ў крэсла, пакуль вас не выганіць адміністрацыя, якая зачыняе цёмнае памяшканне.
  • Будзьце гатовыя, што вам не хопіць месца, бо Уваход вольны!

Ноч паэзіі

Дзе: Тэатр імя Янкі Купалы, вул. Энгельса, 7

Калі: 6 ліпеня ў 21.00

Колькі каштуе: бясплатна

5 ліпеня ў чароўную купальскую ноч у Нацыянальным акадэмічным тэатры імя Янкі Купалы адбудзецца трэцяя “Ноч паэзіі”. У мерапрыемстве возьмуць удзел выбітныя беларускія паэты, а таксама акцёры Купалаўскага тэатра, якія прачытаюць свае улюбёныя вершы ці творы свайго аўтарства. Мерапрыемства пройдзе на летняй тэрасе кавярні «Аўстэрыя Уршуля» Купалаўскага тэатра. Збор гасцей – а 21.00.  

Каб трапіць на мерапрыемства, неабходна зарэгістравацца ў форме і на ўваходзе прадаставціь квіток на любы спектакль Купалаўскага тэатра ў ліпені.\


Футбол. ФК "Дынама-Мінск" - ФК "БАТЭ"

Дзе: Трактар, вул. Ванеева, 3

Калі: 5 ліпеня ў 18.45

Колькі каштуе: ад 2BYN да 5BYN

У рамках 14 тура Чэмпіяната Беларусі па футболе мінскае «Дынама» пазмагаецца з барысаўскім «БАТЭ». На сталічным стадыёне «Трактар» гледачоў чакае беларускае "класіка" заўсёдных фаварытаў спаборніцтваў. Зараз «Дынама» займае чацвёртае месца турнірнай табліцы, «БАТЭ» - другое. Ці зменіцца штосьці пасля матчу? Глядзіце ў пятніцу, 5 ліпеня.


Купалле ў Суле

Дзе: Парк-музей інтэрактыўнай гісторыі Сула, в. Сула

Калі: 6-7 ліпеня ў 12.00

Колькі каштуе: дарослым - 10BYN, школьнікам - 5 BYN, дашкольнікам - бясплатна.

«Купалле ў Суле» - гэта сямейнае свята ў "Парку-музеі інтэрактыўнай гісторыі Сула", дзе кожны зможа знайсці сабе занятак па душы і пагрузіцца ў атмасферу традыцыйнага славянскага свята. Гульні, спаборніцтвы і забавы, у якіх удзельнікі змогуць памерацца сілай і спрытам; разнастайныя анімацыйныя пункты, якія знаёмяць з рознымі бакамі самага вясёлага гадавога свята; смачныя стравы беларускай і літвінскай кухні, якія не пакідаюць абыякавым нікога.

Прайшоўшы праз Купальскі партал, госці свята патрапяць у загадкавы свет паданняў і легенд! Купальскія традыцыі: ачышчэнне агнём і вадой, гульні і танцы, выпрабаванні сілы і спрыту даступныя ўсім - і дзецям, і дарослым! 

Гасцей свята чакаюць тэатралізаваныя і танцавальна-абрадавыя праграмы, купальскія гульні і музычныя сюрпрызы ад калектываў «Арацея», і «1410», «Шатландская пяхота» майстроў карагодаў. 

Апагеем свята стане распальванне святочнага вогнішча і, вядома ж, скачкі праз агонь!


Таямніцы Лошыцкага парка: велаэкскурсія з пахам ліпаў

Фота: welcomtobelarus.by

Дзе: Менскі велашпацыр

Калі: 7 ліпеня ў 20.00

Колькі каштуе: 10BYN папярэдне, 15BYN у час экскурсіі

Вячэрняя велаэкскурсія па старым парку, дзе ледзь не на кожнай алеі схавалася па прывіду, а ў сядзібе графа Любанскага - як толькі музейны наглядчык занурыцца ў смартфон - пачынаюць гаспадарыць здані далёкай мінуўшчыны... Арганізатары шчыра запрашаюць у самы рамантычны парк нашага горада - у час, калі ён напоўнены чароўным пахам векавых ліпаў!

Магчымы пракат ровараў. Запіс у групу: +375297040018. Fb, ВК – Менскі велашпацыр


Казімір Малевіч і ХХI стагоддзе

Фота: 24smі.org

Дзе: Нацыянальны цэнтр сучасных мастацтваў, вул Некрасава, 3

Калі:1 - 31 ліпеня

Колькі каштуе: 5BYN поўны, 2BYN папярэдні

У ліпені Нацыянальны цэнтр сучасных мастацтваў на Незалежнасці, 47 запрашае на экскурсіі па выставе «Казімір Малевіч і ХХI стагоддзе». Вы пачуеце пра Казіміра Малевіча і развіццё яго ідэй беларускімі мастакамі.

На выставе - упершыню ў Мінску - прадстаўлена карціна, аўтарства якой прыпісваецца Казіміру Малевічу. «Чалавек з лапатай», як мяркуецца, адзіная карціна мастака, якая знаходзіцца ў Беларусі, хоць аўтарства пакуль не ўстаноўлена канчаткова. Падчас экскурсіі вы даведаецеся гісторыю гэтай карціны.

Расклад экскурсій на ліпень:

Па аўторках а 18:30 - куратарская экскурсія. Праводзіць Міхаіл Мірошнікаў, мастацтвазнаўца, загадчык выставачнага аддзела НЦСМ.

Па чацвяргах а 18:30 - экскурсія па экспазіцыі. Праводзіць Вольга Вішнёва, вядучы навуковы супрацоўнік выставачнага аддзела НЦСМ.

Па пятніцах у 16:00 - куратарская экскурсія. Праводзіць Міхаіл Мірошнікаў, мастацтвазнаўца, загадчык выставачнага аддзела НЦСМ.

У суботу 13 і 20 ліпеня ў 12:00 - экскурсія «Як пайсці на выставу і патрапіць у «геаметрычны рай»: глядзім абстрактнае мастацтва». Праводзіць Вольга Вішнёва, вядучы навуковы супрацоўнік выставачнага аддзела НЦСМ.

Выбар рэдакцыі

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.

Грамадства

Як Брэст рыхтуецца да святкавання свайго 1000-годдзя

Як Брэст рыхтуецца да святкавання свайго 1000-годдзя

Афіцыйныя святкаванні і асноўныя мерапрыемствы гарадскога Міленіума пройдуць 6—8 верасня.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ляльку з секс-шопа, галубоў на ігрушы і дзяўчынку, якая схавала пашпарты.