Тэлеканал Euronews расказаў пра Беларускі музей народнай архітэктуры і побыту

Тэлеканал Euronews расказаў пра Беларускі дзяржаўны музей народнай архітэктуры і побыту.

Адзін з вядучых каналаў навін Еўропы ў сюжэце азнаёміў тэлегледачоў з комплексам у вёсцы Азярцо (Мінскі раён). У матэрыяле расказваецца пра традыцыі беларускай вёскі мінулага, асаблівасці побыту жыхароў.

• Фонд "Дырэкцыя II Еўрапейскіх гульняў 2019 года" і тэлеканал Euronews заключылі дагавор аб інфармацыйным супрацоўніцтве. У адпаведнасці з ім еўрапейскі тэлеканал размясціў у сваім эфіры відэаролікі, прысвечаныя Беларусі і праводзімаму спартыўнаму форуму, піша БЕЛТА са спасылкай на прэс-службу дырэкцыі II Еўрапейскіх гульняў. 

• Euronews - еўрапейскі штодзённы кругласутачны інфармацыйны тэлеканал, які вядзе вяшчанне на 12 мовах у больш як 160 краінах свету. Аўдыторыя канала складае больш за 430 млн чалавек.