Вы тут

Вынікі восьмага дня ІІ Еўрапейскіх гульняў


У пятніцу на Еўрапейскіх гульнях было разыграна 12 камплектаў узнагарод у пяці відах спорту. Асаблівую цікавасць выклікаў фінал спаборніцтваў па лёгкай атлетыцы, у якім сапернічалі зборныя Беларусі, Францыі, Італіі, Чэхіі, Украіны і Германіі.


На веладроме «Мінск-Арэны» разыграны пяць камплектаў узнагарод па трэкавых гонках. У Палацы спорту чатыры камплекты медалёў знайшлі ўладальнікаў у турніры па жаночай барацьбе. Заключны від спаборніцтваў прайшоў і па стэндавай стральбе. Паўфінальныя матчы па пляжным футболе адбыліся на стадыёне САК «Алімпійскі», Швейцарыя згуляла з Іспаніяй, а Украіна з Партугаліяй. Медальныя паядынкі ў гэтым відзе спорту адбудуцца сёння. Нагадаем, беларусы ў пляжным футболе выбылі з барацьбы за ўзнагароды. На рынгу палаца спорту «Уручча» ў пятніцу таксама прайшлі паўфінальныя баі баксёрскіх спаборніцтваў.

Працягваецца праект «Алімпійскі шлях». Прадстаўнікі зборнай Беларусі па веславанні на байдарках і каноэ, якія сталі пераможцамі і прызёрамі ІІ Еўрапейскіх гульняў, падтрымалі розныя спартыўныя школы. Алена Наздрова, якая выйграла ў каноэ на дыстанцыі 200 м, зрабіла падарунак у памеры 15 тыс. рублёў гомельскай СДЮШАР «Дэльфін», дзе спартсменка пазнаёмілася з веславаннем. Парадавалі на мінулых стартах у Заслаўі выхаванцы Магілёўскай абласной СДЮШАР прафсаюзаў «Бярэзіна». Надзея Макарчанка і Вольга Клімава ў каноэ-двойцы сталі другімі на дыстанцыі 500 м. Дуэт у якасці адрасата для фінансавай дапамогі ў 10 тыс. рублёў абраў менавіта гэтую спартшколу, дзе займалася Надзея Макарчанка. Поспех дзяўчат на кароткіх дыстанцыях падтрымаў байдарачнік Дзмітрый Траццякоў, яго выбар (7,5 тыс. рублёў) таксама быў зроблены на карысць СДЮШАР прафсаюзаў «Бярэзіна», дзе Дзмітрый пачынаў свой шлях у спорце.

Дар'я ЛАБАЖЭВІЧ

Выбар рэдакцыі

Здароўе

​Як абараніць сябе ад кардыялагічных праблем у халодны перыяд?

​Як абараніць сябе ад кардыялагічных праблем у халодны перыяд?

Менавіта зімой павялічваецца колькасць інфарктаў і павышаецца артэрыяльны ціск.

Культура

Успаміны пра Яўгенію Янішчыц

Успаміны пра Яўгенію Янішчыц

Піша Зіновій Прыгодзіч.

Грамадства

У 2023 годзе з'явяцца квоты на рабочыя месцы для людзей з інваліднасцю

У 2023 годзе з'явяцца квоты на рабочыя месцы для людзей з інваліднасцю

У Беларусі на сённяшні дзень звыш 570 тысяч чалавек маюць інваліднасць.

Грамадства

АЭС у Астраўцы гатова да імітацыі работы ядзернага рэактара

АЭС у Астраўцы гатова да імітацыі работы ядзернага рэактара

Першы энергаблок Беларускай АЭС гатовы на 95 %, другі — на 70 %.