Вы тут

Нацыянальны гістарычны музей пакажа малюнкі франтавых мастакоў


Часовая экспазіцыя "Малюнкі франтавых мастакоў", прымеркаваная да Дня Незалежнасці Беларусі, адкрыецца ў Нацыянальным гістарычным музеі 28 чэрвеня, паведамляе БЕЛТА са спасылкай на ўстанову.


На выставе прадстаўлены 50 унікальных работ з фондаў Калінінградскага абласнога гісторыка-мастацкага музея, сярод якіх малюнкі ўдзельнікаў Усходне-Прускай аперацыі 1945 года Ананія Глухава, Германа Філатава, Сяргея Чуканава. Усе працы - бясцэнныя сведчанні гісторыі, што аднаўляюць жывы вобраз салдата, які на сваіх плячах вынес франтавы цяжар.

Сярод твораў, прысвечаных франтавому жыццю, мноства малюнкаў "перад боем", "паміж баямі", "пасля бою". "Каштоўныя сведчанні мінулых дзён, яны вызначаюцца падкрэсленай прастатой, натуральнасцю, адсутнасцю пазіравання і наўмыснай экзальтацыі. Некаторыя малюнкі знаёмяць з побытам воінаў на кароткім адпачынку", - адзначылі ў музеі.

  • Большасць экзэмпляраў, што захоўваюцца ў фондах Калінінградскага абласнога гісторыка-мастацкага музея, не пашкадаваў час: папера пажоўкла, пагнулася. На многіх малюнках сустракаюцца запісы, магчыма, зробленыя ў спешцы. У рабоце мастакі выкарыстоўвалі любыя даступныя матэрыя: розныя алоўкі, туш, акварэльныя фарбы.

"За гады вайны былі прызваны і пайшлі дабравольцамі на фронт больш за 900 членаў Саюза мастакоў СССР. Па-рознаму склаліся іх воінскія лёсы: многія былі паранены і забіты, аддаючы жыццё за перамогу, - сказалі ў музеі. - Заўсёды застаючыся прафесіяналамі, у час кароткага адпачынку мастакі малявалі партрэты байцоў, эпізоды баёў для баявых лісткоў і ваенных газет, сцэны акопнага быту. Вайна стала для іх драматычнай школай батальнага мастацтва". Выстава "Малюнкі франтавых мастакоў" будзе працаваць па 28 ліпеня.

Выбар рэдакцыі

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад. 

Грамадства

Ці заўсёды выгадна афармляць бальнічны

Ці заўсёды выгадна афармляць бальнічны

Сярод знаёмых у мяне ёсць шмат жанчын, якія звяртаюцца да ўрача пры любым занядужанні і пры кожнай магчымасці афармляюць бальнічны ліст. 

Культура

Чаму сучаснае беларускае кіно «невялікае»?

Чаму сучаснае беларускае кіно «невялікае»?

Пісьменнік і дысідэнт Андрэй Сіняўскі, калі расказваў пра ўтрыраваную дробязнасць савецкай «цывілізацыі», прывёў у прыклад аповесць Міхаіла

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.