Вы тут

«Залаты» адлік пачаўся!


За тры першыя спаборніцкія дні зборная Беларусі ўпэўнена замацавалася на другім радку агульнакаманднага медальнага заліку.

За гэты час нашы атлеты заваявалі 34 узнагароды, 10 з іх — залатыя. Больш за ўсё медалёў у скарбонку краіны прынеслі прадстаўнікі самба — 15 узнагарод. Парадавала і зборная па мастацкай гімнастыцы: у групавых практыкаваннях яны ўзялі ажно два «золаты» — у практыкаванні з трыма абручамі і чатырма булавамі і ў шматбор'і.


Фота БелТА.

У агульнакамандным заліку апярэджваюць беларусаў толькі расіяне, за тры дні зборная краіны-суседкі заваявала 41 узнагароду.

У чацвёрты дзень спаборніцтваў было разыграна 14 камплектаў медалёў у такіх відах, як аэробіка спартыўная, баскетбол 3х3, скачкі на батуце, дзюдо, стральба кулявая і стэндавая. Таксама прайшлі папярэднія спаборніцтвы па бадмінтоне, боксе, настольным тэнісе і стральбе з лука. Учора ў барацьбу за ўзнагароды ўступілі батутысты, у жаночых індывідуальных практыкаваннях Марыя Махарынская і Ганна Ганчарова, а ў мужчынскай сінхроннай катэгорыі — Уладзіслаў Ганчароў і Алег Рабцаў. Фіналы прайшлі ўвечары. Паспяховымі выступленнямі парадавалі беларускія прадстаўнікі баскетбола 3х3. Мужчынская і жаночая зборныя прабіліся ў паўфінал, барацьба за медалі адбылася таксама ўвечары.

Фо­та Ган­ны ЗА­НКА­ВІЧ.

Першыя прызёры ІІ Еўрапейскіх гульняў ужо пачалі рабіць свой выбар у праекце Прэзідэнцкага спартыўнага клуба «Алімпійскі шлях». Дзяўчаты з групавых практыкаванняў па мастацкай гімнастыцы падтрымалі мінскую СДЮШАР прафсаюзаў імя Газіевай. Нагадаем, Анастасія Рыбакова, Карына Ярмоленка, Арына Цыцыліна, Ганна Гайдукевіч і Ганна Швайба 23 чэрвеня заваявалі две залатыя медалі на гімнастычным памосце ў «Мінск-Арэне». Як адзначылі арганізатары, спартсменкі прадстаўляюць розныя рэгіёны краіны, і выбар школы быў зроблены шляхам простай большасці. Сума 15 тыс. рублёў пералічана мінскай СДЮШАР прафсаюзаў па мастацкай гімнастыцы. Каманда па стральбе з лука накіравала 10 тыс. рублёў Магілёўскаму абласному комплекснаму цэнтру алімпійскага рэзерву, у якім Карына Дзёмінская і Ганна Марусава праходзяць сваю падрыхтоўку. Веласіпедыстка Таццяна Шаракова накіравала 7500 рублёў роднай Віцебскай СДЮШАР БФСТ «Дынама».

Дар'я ЛАБАЖЭВІЧ

Выбар рэдакцыі

Калейдаскоп

Вясёлыя гісторыі чытачоў

Вясёлыя гісторыі чытачоў

«А жанчына так і не прыйшла...», Заяц на чацвярых, Асаблівасці нацыянальнага палявання.

Грамадства

Вясковая робататэхніка

Вясковая робататэхніка

Як у вясковай школе з'явіўся SТEM-цэнтр.

Грамадства

Як адбываюць пакаранне асуджаныя да абмежавання волі «ў хатніх умовах»

Як адбываюць пакаранне асуджаныя да абмежавання волі «ў хатніх умовах»

«Хатняя хімія» — гэта турма, толькі на свабодзе», — з сарказмам кажуць самі асуджаныя пра абмежаванне волі без накіравання ў папраўчую ўстанову.