Вы тут

Лёгкаатлеты — на піку гатоўнасці


Ужо заўтра, 23 чэрвеня, у рамках ІІ Еўрапейскіх гульняў пачнуцца спаборніцтвы па лёгкай атлетыцы.


На сталічным стадыёне «Дынама» спартсмены пратэсціруюць новы, незвычайны, скарочаны фармат: замест 48 відаў будуць прадстаўлены ўсяго дзевяць. Падчас групавых этапаў разыграюць столькі ж медалёў у асабістым заліку. Дзясяты возьме найлепшая зборная ў фінале 28 чэрвеня.

Дэпутат Палаты прадстаўнікоў Нацыянальнага сходу і старшыня Беларускай федэрацыі лёгкай атлетыкі Вадзім Дзевятоўскі ўскладае на сваіх спартсменаў вялікія надзеі і верыць у іх поспех:

— Мы не адмаўляемся ад нашых ранейшых намераў і планаў. Ёсць усе шанцы ўзяць медалі. Напрыклад, Эльвіра Герман, Таццяна Халадовіч, Максім Недасекаў, Анастасія Мірончык-Іванова паспяхова паказалі сябе на міжнароднай арэне. Таму, спадзяюся, убачым іх у фінале.

Адзначыў дэпутат і гатоўнасць лёгкаатлетаў: «Да трэніроўкі мы падыходзілі індывідуальна. Лічу, што ўсе ў добрай форме і ўсе — лідары. Мяркую, што, як і было запланавана, яны зараз падыходзяць да свайго піка».

Учора ўдзельнікі спаборніцтваў па лёгкай атлетыцы пачалі засяляцца ў Вёску спартсменаў. «Калі я яе ўбачыў, адчуў такое хваляванне, быццам я зноў выступаю на Алімпіядзе, — падзяліўся ўражаннямі Вадзім Дзевятоўскі. — Упэўнены: планка ўзнятая настолькі, што паўтарыць яе цяжка, не тое, каб пабіць. Нават замежнікі, як я чуў, не зайздросцяць тым, хто будзе прымаць наступныя Гульні».

Юлія АДАМОВІЧ

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».