Вы тут

БДУ прадставіць у Аргенціне 16 навукова-тэхнічных распрацовак


Міжнародная выстаўка сельскай гаспадаркі і жывёлагадоўлі “AgroActiva” пройдзе з 26 па 29 чэрвеня ў г. Армстронг (Аргенціна).


Фота: fmdale.com.ar

У склад экспазіцыі Белдзяржуніверсітэта ўвойдуць інавацыйныя распрацоўкі беларускіх вучоных: ядомыя ўпаковачныя плёнкі, вітамінна-мінеральныя прэміксы для прадуктаў харчавання, фітасоль, серыя ветэрынарных біяпрэпаратаў для лячэння і прафілактыкі хвароб жывёл, мабільная аўтаномная водаачышчальная ўстаноўка, прылады дыстанцыйнага маніторынгу памяшканняў і зямных паверхняў, біяпестыцыды для комплекснай абароны раслін. Для прыкладу, у Аргенціне будзе прэзентаваны комплексны мікробны прэпарат “Жыцень”, які паскарае раскладанне рэшткаў сцеблаў травы пасля ўборкі ўраджаю і саломы. Тэхналогія яго прымянення забяспечвае падрыхтоўку глебы да пасеваў і зніжае рызыку інфекцыйных захворванняў раслін. Акрамя таго, выкарыстанне прэпарата дазваляе адмовіцца ад асенняга ўнясення мінеральнага азоту.

Таксама ў рамках выставы адбудзецца Міжнародны дзень універсітэтаў Аргенціны і Беларусі. Мерапрыемства дазволіць пазнаёміцца ​​з ВНУ дзвюх краін, абмяняцца інфармацыяй аб магчымасцях атрымання паслядыпломнай адукацыі, абмеркаваць пытанні супрацоўніцтва ў навукова-тэхнічнай сферы.

Даведка:

AgroActiva — адна з найбуйнейшых сельскагаспадарчых выстаў у Лацінскай Амерыцы, праводзіцца штогод з 1995 года. Яе агульная плошча складае 3 млн. кв. метраў, колькасць наведвальнікаў перавышае 200 тысяч чалавек. У 2019 годзе ў выставе заяўлены ўдзел прадстаўнікоў 33 краін.

Надзея НІКАЛАЕВА

Выбар рэдакцыі

Здароўе

​Як абараніць сябе ад кардыялагічных праблем у халодны перыяд?

​Як абараніць сябе ад кардыялагічных праблем у халодны перыяд?

Менавіта зімой павялічваецца колькасць інфарктаў і павышаецца артэрыяльны ціск.

Культура

Успаміны пра Яўгенію Янішчыц

Успаміны пра Яўгенію Янішчыц

Піша Зіновій Прыгодзіч.

Грамадства

У 2023 годзе з'явяцца квоты на рабочыя месцы для людзей з інваліднасцю

У 2023 годзе з'явяцца квоты на рабочыя месцы для людзей з інваліднасцю

У Беларусі на сённяшні дзень звыш 570 тысяч чалавек маюць інваліднасць.

Грамадства

АЭС у Астраўцы гатова да імітацыі работы ядзернага рэактара

АЭС у Астраўцы гатова да імітацыі работы ядзернага рэактара

Першы энергаблок Беларускай АЭС гатовы на 95 %, другі — на 70 %.