Вы тут

Facebook плануе выпусціць у абарачэнне ўласную крыптавалюту Libra


Кампанія Facebook прадставіла сёння ўласную криптовалюту пад назвай Libra, паведамляе тэлерадыёкампанія Deutsche Welle.


Як распавёў менеджар кампаніі Дэвід Маркус, электронныя грошы ад Facebook грунтуюцца на той жа тэхналогіі размеркаваных рэестраў, што і біткойн, аднак не залежаць ад ваганняў курсаў валют. Плануецца, што на пачатковым этапе Libra будзе выкарыстоўвацца для грашовых пераводаў, якія здзяйсняюцца ў розных валютах. Такім чынам, крыптавалюта складзе прамую канкурэнцыю такім паслугам, як Moneygram і Western Union, за карыстанне якімі трэба плаціць дадатковыя ўзносы. У перспектыве ж, па словах менеджара, Libra павінна стаць універсальным плацежным сродкам.

Каб дасягнуць гэтай мэты, Facebook заключыў партнёрскае пагадненне з 28 буйнымі кампаніямі, так ці інакш звязанымі з электроннымі плацяжамі, у іх ліку Visa, Mastercard, Paypal, Vodafone і Ebay. Пры гэтым Маркус падкрэсліў, што Facebook не будзе гуляць асаблівую ролю ў гэтым альянсе і не атрымае доступу да фінансавых дадзеных карыстальнікаў.

Чакаецца, што грашовыя пераклады з Libra ў перспектыве можна будзе ажыццявіць непасрэдна ў належачых Facebook службах абмену паведамленнямі WhatsApp і Messenger. Акрамя таго, калі акаўнт карыстальніка Libra будзе злучаны з яго банкаўскім рахункам, можна будзе абмяняць электронныя грошы на іншую валюту непасрэдна на смартфоне.

Як паведамляецца ў карпаратыўным блогу Facebook, кампанія стварыла спецыяльнае даччынае прадпрыемства Calibra для прадастаўлення фінансавых паслуг, звязаных з выкарыстаннем криптовалюты Libra.

Запуск крыптавалюты Libra запланаваны на 2020 год.

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як новыя дасягненні вучоных паляпшаюць якасць жыцця і здароўя чалавека?

Як новыя дасягненні вучоных паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.