Вы тут

Уведзена забарона на выкарыстанне беспілотных лятальных апаратаў


Яна будзе дзейнічаць у месцах правядзення II Еўрапейскіх гульняў да 2 ліпеня, паведамляе сайт МУС.


Беспілотныя лятальныя апараты і авіямадэлі ў адпаведнасці з Указам Прэзідэнта Рэспублікі Беларусь "Аб мерах бяспекі ў перыяд правядзення II Еўрапейскіх гульняў 2019 года” забаронена выкарыстоўваць на спартыўных аб'ектах, у месцах правядзення спаборніцтваў і размяшчэння ўдзельнікаў гульняў, а таксама ў фан-зонах для балельшчыкаў у Мінску і Мінскім раёне.

У гэты перыяд займацца аэрафотаздымкай могуць толькі беспілотнікі дзяржорганаў і акрэдытаваных СМІ ў мэтах забеспячэння і асвятлення Еўрапейскіх гульняў.

Калі няма афіцыйнага дазволу на выкарыстанне беспілотнага лятальнага апарата або авіямадэлі, супрацоўнікі органаў унутраных спраў маюць права выключыць апарат і вярнуць яго ўладальніку пасля 2 ліпеня.

Усе несанкцыянаваныя палёты будуць спыняцца. Прычым на пакрыццё кошту збітых дронаў уладальнікам разлічваць не варта. Акрамя таго, суд можа абавязаць парушальніка выплачваць кампенсацыю той асобе, чыю маёмасць беспілотнік пашкодзіць пры падзенні. Пра гэта гаворыцца ў падпісаным у пачатку месяца кіраўніком дзяржавы Указе "Аб спыненні палётаў авіямадэляў і беспілотных лятальных апаратаў”.

Дарэчы, нагадваюць у МУС, увоз у нашу краіну з-за мяжы беспілотных лятальных апаратаў і авіямадэлей без наяўнасці ліцэнзіі і допуску на здымкі недапушчальны. Таму замежным гасцям варта загадзя паклапаціцца аб атрыманні адпаведных дазволаў у Дзяржаўным ваенна-прамысловым камітэце Рэспублікі Беларусь.

Сяргей РАСОЛЬКА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».