Вы тут

«Полымя міру» ўжо ў сталіцы


Перад тым як апынуцца ў Мінску, эстафета агню ІІ Еўрапейскіх гульняў пабывала на знакавых для беларускага народа месцах — «Лініі Сталіна» і Кургане Славы. Факеланосцамі там сталі генеральны дырэктар Нацыянальнай кінастудыі «Беларусьфільм» Уладзімір Карачэўскі, беларускі асілак Кірыл Шымко, алімпійскія чэмпіёны Леанід Тараненка і Аляксей Грышын, заслужаныя артысткі Беларусі Алёна Ланская, Ірына Дарафеева і іншыя вядомыя асобы краіны.


Учора агонь Гульняў сустрэлі ў Мінску, эстафета пачалася з плошчы Свабоды і пралягала па вуліцы Леніна, праспекце Пераможцаў, праз стэлу «Мінск — горад герой» да плошчы Дзяржаўнага сцяга, дзе і адбылася ўрачыстая цырымонія сустрэчы «Полымя міру» ў сталіцы. Сёння эстафета працягнецца, яна завітае ў Батанічны сад і Нацыянальны Акадэмічны Вялікі тэатр оперы і балета Рэспублікі Беларусь. Нагадаем, маршрут эстафеты завершыцца 21 чэрвеня на Нацыянальным алімпійскім стадыёне «Дынама» падчас цырымоніі адкрыцця ІІ Еўрапейскіх гульняў.

У тэму

Фонд «Дырэкцыя ІІ Еўрапейскіх гульняў 2019 года» і аргкамітэт Еўра-2020 (расійскай часткі чэмпіянату Еўропы па футболе) падпісалі ў Санкт-Пецярбургу пагадненне аб праграме валанцёрскага абмену. У рамках супрацоўніцтва найлепшыя валанцёры па выніках правядзення ІІ Еўрапейскіх гульняў у Мінску адправяцца ў Санкт-Пецярбург для работы на Еўра-2020. Валанцёрская праграма юбілейнага чэмпіянату прадугледжвае работу ў 22 функцыянальных кірунках: ад акрэдытацыі і допінг-кантролю да функцый устойлівага развіцця і сэрвісаў для гледачоў на стадыёне.

Гісторыя ўзаемаадносін і сяброўства з расійскімі валанцёрамі доўжыцца з чэмпіянату свету па футболе FІFА, — расказала начальнік упраўлення па рабоце з валанцёрамі фонду «Дырэкцыя ІІ Еўрапейскіх гульняў 2019 года» Надзея Анісавец. — Падпісанне дамовы — працяг гэтых адносін. У адпаведнасці з пагадненнем мы прымаем 25 расіян. Гэта найлепшыя валанцёры, і яны прыедуць дапамагаць нам на ІІ Еўрапейскіх гульнях. У наступным годзе на чэмпіянаце Еўропы-2020 па футболе расіяне прымуць нашых найлепшых валанцёраў. Такія абмены будуць праходзіць і ў далейшым, пра што гаворыцца ў мемарандуме аб узаемаразуменні. Найлепшыя валанцёры будуць вызначаны ў розных намінацыях: самы пунктуальны, найлепшы валанцёр пэўнага функцыянальнага кірунку і г. д. Вынікі адбору будуць абвешчаны 3 ліпеня.

Дар'я Лабажэвіч

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.