Такі статус прысвоены ЮНЕСКА.
Геапарк Аршан афіцыйна пачаў працу ў якасці глабальнага геапарка ЮНЕСКА. Ён стаў 34-м геапаркам ў Кітаі, які атрымаў такі статус, перадае «Жэньмінь жыбаа» анлайн».
Аршан размешчаны ў аўтаномным раёне Унутраная Манголія на поўначы Кітая. У маі 2017 года на пасяджэнні Выканаўчага савета ЮНЕСКА было прынята афіцыйнае рашэнне аб прысваенні геапарку Аршан статусу глабальнага геапарка ЮНЕСКА і ўключэнні яго ў сусветную сетку.
Аршан з плошчай каля 3653 кв. км валодае найбольш цэласнымі і найбуйнейшымі вулканічнымі кластарамі ў Азіі. Ён славіцца сваімі ўнікальнымі краявідамі, у якіх спалучаюцца застылая лава, кратэрныя азёры, першабытныя лясы і гарачыя крыніцы.
Мэр горада Аршан Лі Хэ заявіў, што мясцовыя ўлады плануюць актывізаваць намаганні па рэалізацыі брэнд-стратэгіі і садзейнічаць ахове дадзенага геапарка з аглядкай на айчынны і замежны вопыт. Лі Хэ таксама заявіў аб імкненні мэрыі ператварыць Аршан у першакласны геапарк, які аб’ядноўвае ў адзінае цэлае экалагічную, геалагічную і навукова-папулярную функцыі, а таксама ў новую «турыстычную Меку» Унутранай Манголіі.
Мерапрыемства праводзіцца на добраахвотнай аснове.
Не выявіць ні секунды абыякавасці.