Вы тут

Андрэй Раўкоў: Любая маці заўжды хвалюецца за свайго сына


Пра гэта заявіў міністр абароны Беларусі падчас цырымоніі прыняцця воінскай прысягі ў 72-м Аб'яднаным вучэбным цэнтры падрыхтоўкі прапаршчыкаў і малодшых спецыялістаў у Пячах.


Сёння словы на вернасць Радзіме там прамовілі больш за тысячу юнакоў.

- Дзень прысягі заўжды ўрачысты як для салдат, так і для родных і блізкіх, якія прыехалі сюды сёння. Любая маці заўжды хвалюецца за свайго сына. Важна гэта і ў маштабе краіны, паколькі Узброеныя Сілы выконваюць у мірны час не прыкметную на першы погляд задачу. Але мы забяспечваем мірную працу беларускага народа.

Літаральна праз некалькі месяцаў, пасля заканчэння падрыхтоўкі па ваенна-ўліковых спецыяльнасцях, гэтыя спецыялісты прыйдуць у часці і будуць выконваць свае задачы і тым самым умацоўваць абараназдольнасць Беларусі.

Міністр абароны асобна спыніўся на скарачэнні колькасці адтэрміновак ад службы.

- Мяркуецца шэраг захадаў у гэтым кірунку. Існуе законапраект, які зараз знаходзіцца на ўзгадненні ў дзяржаўных органах. Змянілася абстаноўка, і адтэрміновак па адукацыі павінна быць меней. Але разам з тым замацоўваюцца і пэўныя матывацыйныя рэчы. Студэнты, якія маюць пасля службы рэкамендацыі з часцей, атрымаюць першачарговае права на месца ў інтэрнаце. Для тых, хто працаваў да прызыву, мяркуецца захаваць іх месца незалежна ад формы ўласнасці арганізацыі. Прапануецца таксама зацвердзіць перавагу для тых, хто прайшоў праз тэрміновую ваенную службу, пры паступленні ва ўстановы адукацыі і бясплатным навучанні на падрыхтоўчых курсах.

Таксама ў законе прадугледжваецца павышэнне адказнасці за ўхіленне ад службы.

У бліжэйшы час праект закону паступіць у парламент на разгляд.

(Будзе дапоўнена)

Валяр'ян ШКЛЕННІК

Фота Ганны ЗАНКАВІЧ

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як новыя дасягненні вучоных паляпшаюць якасць жыцця і здароўя чалавека?

Як новыя дасягненні вучоных паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.