Вы тут

Чытачка Ірына Гапеева: «Звязда» стала для мяне мудрым дарадцам і добрым сябрам


Сяброўства са «Звяздой» у Ірыны Гапеевай, старшага навуковага супрацоўніка Шклоўскага раённага гісторыка-краязнаўчага музея, пачалося, вобразна кажучы, са здымка на першай паласе газеты.


— Гэта было падчас візіту Прэзідэнта ў наш раён, — усміхаецца яна. — Я суправаджала адну расійскую мастачку, якая ўдзельнічала ў пленэры і збіралася падарыць кіраўніку дзяржавы карціну з краявідамі Шклоўшчыны. І гэты ўрачысты момант зняў фотакарэспандэнт «Звязды». І я, як той казаў, трапіла ў эпахальны кадр. Ён выйшаў на першай старонцы. Прэзідэнт і вакол людзі, сярод якіх і я. Гэты здымак я выразала і захоўваю па сённяшні дзень. Дарэчы, яго копія ў павялічаным памеры размешчана ў нас у музеі. Праўда, на ёй мяне няма — пры апрацоўцы здымка частку давялося абрэзаць. А вось газету я цяпер выпісваю рэгулярна. Купіць яе ў кіёску праблема, не заўсёды прадаецца — выпісаць надзейней. Мне ў ёй падабаецца ўсё: і тое, што яна на беларускай мове, і тое, што ў ёй так шмат цікавых рубрык. З задавальненнем чытаю ўсё, што датычыцца археалогіі, гісторыі — гэта мае профільныя тэмы. Вельмі цікавыя ўкладкі ў газету, шыкоўныя фота. Калі ўпершыню выпісвала, шкада было грошай. Але я пабачыла яе напаўненне і пераканалася, што яно таго варта. Карыстаюся парадамі для садаводаў і агароднікаў, бяру на ўзбраенне некаторыя прыёмы пры правядзенні экскурсій. Адным словам, газета стала для мяне мудрым дарадцам і добрым сябрам.

А карціну, дарэчы, Прэзідэнт перадаў нам у музей са словамі, што гэту прыгажосць павінны бачыць і іншыя. Мы тады якраз толькі адкрыліся, і не хапала экспанатаў. Вельмі былі ўдзячныя за такі падарунак. Цяпер у нас шмат цікавага, а тая карціна займае пачэснае месца ў экспазіцыі.

Запісала Нэлі ЗІГУЛЯ

Фота аўтара

Загаловак у газеце: Здымак для газеты

Выбар рэдакцыі

Грамадства

Як уцягнуць у абарачэнне землі, вызваленыя з-пад інвазійных раслін?

Як уцягнуць у абарачэнне землі, вызваленыя з-пад інвазійных раслін?

Гэта паказалі на прыкладзе Мінскага і Валожынскага раёнаў.

Грамадства

Мужчыны расказваюць пра сваё жыццё ў дэкрэце

Мужчыны расказваюць пра сваё жыццё ў дэкрэце

На сямейным фестывалі «ТатаPro» таты, якія вырашылі пайсці ў дэкрэтны адпачынак або раздзяліць яго з жонкай, падзяліліся сваімі гісторыямі і расказалі пра тонкасці дэкрэта.

Грамадства

​Як беларускія вучоныя ствараюць умовы для спартыўных перамог

​Як беларускія вучоныя ствараюць умовы для спартыўных перамог

Спартыўныя дасягненні чалавека прыблізна на 75 % залежаць ад яго генетыкі.