Тэма супрацоўніцтва Магілёўскага абласнога Савета дэпутатаў і Заканадаўчага сходу Краснадарскага краю прагучала падчас пасяджэння ХХХ Канферэнцыі Паўднёва-Расійскай парламенцкай асацыяцыі ў Сочы. Удзел у мерапрыемстве прымаў старшыня Магілёўскага абласнога Савета дэпутатаў Дзмітрый Харытончык.
— На канферэнцыі абмяркоўваліся агульныя пытанні для вынясення іх на федэральны ўзровень, а таксама распаўсюджванне вопыту пэўных практык і заканадаўчых ініцыятыў на тэрыторыі сваёй акругі, — расказаў старшыня аблсавета. — Разглядаўся прынцып работы такога органа, як асацыяцыя. Гэта тое, што мы зараз актыўна абмяркоўваем як на абласным, так і на рэспубліканскім узроўні. Ёсць цікавы вопыт правядзення пасяджэнняў, абмеркаванняў у камісіі, прыняцця рашэнняў. У рамках работы канферэнцыі адбылося падпісанне плана мерапрыемстваў па рэалізацыі дасягнутых пагадненняў з Краснадарскім краем. Там пазначаны цэлы комплекс мерапрыемстваў і ў сферы маладзёжнай палітыкі, і ў сферы супрацоўніцтва Магілёўскага абласнога Савета і Заканадаўчага сходу з умовай непасрэднага знаёмства на месцах з вопытам і формамі работы двух бакоў.
Нэлі ЗІГУЛЯ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
