У Светлагорскую бальніцу даставілі 68-гадовага жыхара раёна. Мужчыну выставілі дыягназ: скразное агнястрэльнае раненне, агнястрэльны асколачны пералом ніжняй траціны правай вялікай бярцовай косткі. У сітуацыі давялося разбірацца супрацоўнікам раённага аддзела ўнутраных спраў.
Высветлілася, што пенсіянер вырашыў зрабіць пясочніцу для ўнукаў на тэрыторыі домаўладання. Падчас земляных работ знайшоў зброю часоў Вялікай Айчыннай вайны. Як аказалася, у яго рукі трапіла самазарадная вінтоўка сістэмы Токарава (СВТ-40). Па інфармацыі УУС Гомельскага аблвыканкама, гаспадар дома, узяўшы ў рукі бензарэз, пачаў яе пілаваць. У гэты момант і адбыўся стрэл. Магазін вінтоўкі быў пусты, але адзіны патрон знаходзіўся ў патронніку. Акрамя пенсіянера ніхто не пацярпеў. Зараз па гэтым факце праводзіцца праверка. Прызначаныя балістычная і судова-медыцынская экспертызы. Пацярпелы знаходзіцца на лячэнні ў бальніцы.
Сяргей РАСОЛЬКА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
