У Стаўбцоўскай раённай цэнтральнай бальніцы пасля рэканструкцыі адкрылася прыёмнае аддзяленне.
Яно зроблена з улікам сучасных патрабаванняў усіх нарматыўных дакументаў і падзелена на зоны. Зялёная зона прызначана для зваротаў амбулаторных пацыентаў, жоўтая — для тых, хто некаторы час (да сутак) можа знаходзіцца ў аддзяленні ў выпадку дыягностыкі захворвання або лячэння, якое не патрабуе шпіталізацыі. У чырвонай зоне размешчана рэанімацыйнае аддзяленне. Сюды будуць дастаўляцца пацыенты з экстраннымі захворваннямі.
Такая структура дазваляе забяспечыць якасную медыцынскую дапамогу пры раздзяленні патокаў пацыентаў.
Рамонт аддзялення выкананы ў сучасным стылі. Тут абсталяваны эндаскапічны пакой, пакой ультрагукавой дыягностыкі, кабінеты для прыёму ўрачоў-тэрапеўтаў, хірургаў, гінеколагаў і іншых. Арганізавана таксама рэгістрацыя пацыентаў у зале чакання з інфармацыйным табло і тэлевізарам, па якім дэманструюцца відэаролікі аб здаровым ладзе жыцця.
Усе рабочыя месцы інфарматызаваныя і падключаны да лакальнай сеткі ўстановы, што вельмі важна для эканоміі часу і атрымання своечасовай інфармацыі аб пацыентах. Акрамя таго, праведзена відэаназіранне з вывадам камер у кабінет галоўнага ўрача і начальніка па медыцынскай частцы для кантролю за арганізацыяй работы супрацоўнікаў.
Таццяна ЛАЗОЎСКАЯ
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!