Вы тут

На новым брэсцкім аўтавакзале пратэсціравалі сістэму навігацыі для невідушчых


Нядаўна ўрачыста адкрылі новы аўтавакзал у Брэсце, а днямі тут прайшло першае мерапрыемства. Людзі з праблемамі зроку сабраліся з усіх рэгіёнаў краіны і апрабавалі новую сістэму навігацыі для невідушчых.


Падрабязна аб сістэме «Крокі на гукі» было расказана ў нумары нашай газеты за 5 чэрвеня. Мабільная праграма ўстанаўліваецца на гаджэт, і чалавек рухаецца па ўказанні ўласнага смартфона. А на вакзале прадстаўнікі таварыства інвалідаў па зроку прайшлі ўсе этапы пасажыра, якому трэба купіць білет і выправіцца ў паездку. Гэта для відушчых пасажыраў працэдура выглядае проста: прыехаў на вакзал, пастаяў у чарзе, набыў квіток ды і пакрочыў на платформу, якая ўказана ў білеце. Для людзей з парушэннем зроку нават уваходныя дзверы знайсці бывае не вельмі проста.

Дык вось, новая сістэма, створаная ўстановай рэабілітацыі інвалідаў па зроку «Цэнтр паспяховага чалавека» па ініцыятыве кампаніі Volkswagen у Беларусі, паспяхова вытрымала выпрабаванне ў Брэсце. Невідушчыя людзі самі знаходзілі ўваход, накіроўваліся па даволі доўгім калідоры да кас, «замаўлялі» білет і беспамылкова выходзілі менавіта на сваю платформу. Дырэктар установы рэабілітацыі інвалідаў па зроку Міхаіл АНТОНЕНКА адзначыў, што вакзал у Брэсце пабудаваны з улікам патрэб людзей, што маюць абмежаваныя магчымасці. Пра гэта сведчаць «разумныя» дарожкі на ўсёй прывакзальнай тэрыторыі і прыстасаванні ўнутры памяшкання. А з сістэмай «Крокі на гукі» невідушчаму чалавеку тут можна абысціся і без старонняй дапамогі.

Святлана ЯСКЕВІЧ

Выбар рэдакцыі

Грамадства

З баршчэўнікам змагаюцца нават з дапамогай квадракоптара

З баршчэўнікам змагаюцца нават з дапамогай квадракоптара

Вопыт Віцебшчыны ў знішчэнні баршчэўніку цікавы таму, што тут больш за 80 працэнтаў зараснікаў ад агульнага па краіне.

Грамадства

Прэтэндэнты на студэнцкі білет здалі тэст па матэматыцы

Прэтэндэнты на студэнцкі білет здалі тэст па матэматыцы

Пазнаць у гарадскім натоўпе абітурыентаў можна без праблем.

Грамадства

Як жывуць апошнія жыхары вёскі Вясневічы

Як жывуць апошнія жыхары вёскі Вясневічы

Галоўная славутасць Вясневічаў, яе жывая гісторыя — 96-гадовы Аляксей Юркевіч.

Культура

Наталля Батракова: Чытачы пішуць, што мае героі нібыта працуюць у суседнім офісе

Наталля Батракова: Чытачы пішуць, што мае героі нібыта працуюць у суседнім офісе

З Наталляй Батраковай мы сустрэліся на адкрыцці абноўленай кнігарні «Светач», што на сталічным праспекце Пераможцаў, 11.