Вы тут

Сонца вырашыла нас расплавіць?


Сапраўды анамальная спякота ў нашай краіне на гэтым тыдні працягвае ўзмацняцца. У дзённыя гадзіны тэмпература паветра ў многіх раёнах перавысіць плюс 30 градусаў.


Пры гэтым на фоне павышанага атмасфернага ціску будзе пераважна без ападкаў, толькі ў другой палове тыдня месцамі не абыдзецца без лакальных навальнічных дажджоў. У сувязі з гарачым надвор'ем павышаецца ўзровень пажарнай небяспекі ў лясах, дзе трэба быць вельмі асцярожнымі з агнём, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Сёння ўдзень у вобласці павышанага атмасфернага ціску будзе пераважна без ападкаў. Максімальная тэмпература паветра складзе ад плюс 27 да плюс 33 градусаў. У сераду будзе пераважна без ападкаў, толькі ўдзень у асобных раёнах па поўначы краіны магчымы кароткачасовыя дажджы і навальніцы. Тэмпература паветра ўначы складзе ад плюс 14 да плюс 20 градусаў, удзень — 26—33 цяпла.

Паводле прагнозаў айчынных сіноптыкаў, 13 і 14 чэрвеня нас чакае чарговае выпрабаванне спякотай. У чацвер уначы будзе пераважна без ападкаў, а ўдзень у асобных раёнах краіны чакаюцца кароткачасовыя дажджы з навальніцамі. Тэмпература паветра ўначы складзе ад плюс 16 да плюс 21 градуса, удзень — ужо 27—34 цяпла. Гарачае надвор'е захаваецца ў нашай краіне і ў пятніцу. Уначы ў асобных раёнах па захадзе, а ўдзень месцамі па краіне пройдуць кароткачасовыя навальнічныя дажджы. Тэмпература паветра ўначы складзе 14—21 градус вышэй за нуль, а ўдзень будзе прыпякаць да 27—34 цяпла.

Сяргей КУРКАЧ

Выбар рэдакцыі

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.

У свеце

Як развіваецца глабальнае супрацьстаянне ЗША і Кітая?

Як развіваецца глабальнае супрацьстаянне ЗША і Кітая?

Супярэчнасці ў адносінах паміж Вашынгтонам і Пекінам абвастраюцца, і іх можна смела называць гандлёвай вайной.

Грамадства

Якім павінен быць вучэбны дапаможнік у ХХІ стагоддзі?

Якім павінен быць вучэбны дапаможнік у ХХІ стагоддзі?

З 50 выданняў, якія павінны з'явіцца на школьных партах да 1 верасня, 48 ужо надрукаваныя.

Здароўе

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Экзапратэзаванне арбіты не робіцца больш ні ў адной з краін СНД.