Вы тут

Завяршыўся XXX міжнародны фестываль народнай музыкі ў Паставах


Трыццаты раз адзвінелі цымбалы і гармонікі на міжнародным фестывалі народнай музыкі, які праходзіць у Паставах пад эгідай Міністэрства культуры і Віцебскага аблвыканкама і збірае штогод сотні музыкаў і гасцей з розных краін. Сёлета ўдзел у ім узялі выканаўцы і творчыя калектывы з Беларусі, Расіі, Украіны, Літвы, Латвіі, Эстоніі і Грузіі.


Фота БЕЛТА

Старажытныя Паставы, якія, дарэчы, адзначаюць сёлета 610-годдзе, у мінулыя выхадныя ператварыліся ў вялікую канцэртную залу з 10 сцэнічнымі пляцоўкамі. Арганізатары прапанавалі гасцям фэсту насычаную і разнастайную праграму: тэатралізаванае прадстаўленне «Музыка беларускіх палацаў і сядзіб», кірмаш народных рамёстваў, «Пастаўскі баль», конкурс вясковых падворкаў, музейныя экспазіцыі, мастацкія выстаўкі, спартыўныя спаборніцтвы, вогненнае шоу і маладзёжную дыскатэку. Завяршылася ж свята народнай музыкі тэатралізаваным шэсцем і гала-канцэртам удзельнікаў.

У традыцыйным конкурсе «Хто каго?» выканаўцы і калектывы пацвярджалі ўласным прыкладам, што традыцыі ігры на народных інструментах захоўваюцца і развіваюцца, а прафесійнае журы на чале з народным артыстам Беларусі, мастацкім кіраўніком і дырыжорам Нацыянальнага акадэмічнага народнага аркестра імя І. Жыновіча Міхаілам Казінцом, выбірала найлепшых. У лік пераможцаў фестывалю «Звіняць цымбалы і гармонік» увайшлі цымбалістка Ганна Мацвейка з Наваполацкага музычнага каледжа, навучэнцы Пастаўскай дзіцячай школы мастацтваў, аматарскі ансамбль народнай музыкі і песні «Стрэчанне» Палаца культуры Мазырскага нафтаперапрацоўчага завода, ансамбль «Шчодрыца» Мінскага гарадскога палаца культуры і іншыя.

Вікторыя ЗАХАРАВА

Загаловак у газеце: Пад музыку цымбалаў

Выбар рэдакцыі

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.

У свеце

Як развіваецца глабальнае супрацьстаянне ЗША і Кітая?

Як развіваецца глабальнае супрацьстаянне ЗША і Кітая?

Супярэчнасці ў адносінах паміж Вашынгтонам і Пекінам абвастраюцца, і іх можна смела называць гандлёвай вайной.

Грамадства

Якім павінен быць вучэбны дапаможнік у ХХІ стагоддзі?

Якім павінен быць вучэбны дапаможнік у ХХІ стагоддзі?

З 50 выданняў, якія павінны з'явіцца на школьных партах да 1 верасня, 48 ужо надрукаваныя.

Здароўе

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Экзапратэзаванне арбіты не робіцца больш ні ў адной з краін СНД.