Вы тут

XXVІ Дзень беларускага пісьменства пройдзе ў старажытным Слоніме


XXVІ Дзень беларускага пісьменства пройдзе на Гродзеншчыне — у старажытным Слоніме. Да свята прыгожага пісьменства рыхтуюцца не толькі ў вобласці і раённым цэнтры. Падарункі Дню беларускага пісьменства ўжо адзін за адным імкнуцца зрабіць і кніжныя выдавецтвы краіны.


У мінскім «Кнігазборы» выйшла кніга дасведчанага збіральніка гістарычных памятак Айчыны Сяргея Чыгрына «Гістарычная мазаіка Слонімшчыны». Вядомы ў краіне краязнаўчы пісьменнік склаў своеасаблівую міні-энцыклапедыю. Лаканічны аповед выкананы з прывязанасцю да гістарычных адрэзкаў часу. Вось назвы некаторых артыкулаў: «Гісторыя Слоніма пачынаецца з 1036 года»; «Слонімскі замак»; «Пра раскопкі ў Слоніме»; «Першая кніга пра Слонім»; «Італьянская каханка Агінскага»; «Руіны палаца Агінскіх, пачатак XІX стагоддзя»; «Слонімскія габелены Агінскага»; «Мапы Слонімшчыны»; «Вяскоўцы Слонімскага павета, 1860-я гады»; «Такі палац быў у Новадзявяткавічах»... Назвы пераконваюць (і, паверце, змест — таксама), што кніга дазваляе ажыццявіць цікавае, насычанае добрымі сустрэчамі, віртуальнае падарожжа па Слонімшчыне.

З «Гістарычнай мазаікай Слонімшчыны» можна смела ісці на школьны ўрок гісторыі, а мо нават — і не толькі гісторыі. А тое, што кнігу варта смела выкарыстоўваць у арганізацыі краязнаўчай работы ў рэгіёне, дык у гэтым можна не сумнявацца. Ведаючы, як заўсёды ставяцца да зробленага аўтарытэтным гістарычным і краязнаўчым пісьменнікам Сяргеем Чыгрыном, будзьце ўпэўнены, што кніга разыдзецца сярод чытачоў, пакупнікоў яшчэ задоўга да свята. Нагадаем, што наклад яе — усяго 200 экзэмпляраў. Добра было б да XXVІ Дня беларускага пісьменства ўсё ж такі зрабіць перавыданне «Гістарычнай мазаікі Слонімшчыны» Сяргея Чыгрына самым масавым накладам. Гэта будзе добрым прыкладам гісторыка-публіцыстычнай, кнігавыдавецкай руплівасці яшчэ і ў сувязі з тым, што ў 2018—2020 гадах краіна жыве пад знакам Года малой радзімы.

Сяргей ШЫЧКО

Загаловак у газеце: Мазаіку памяці выкладваюць краязнаўцы

Выбар рэдакцыі

Культура

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Свята, якое ўжо традыцыйна ладзіцца ў першую нядзелю верасня, сёлета прымае Слонім.

Грамадства

Як працуюць сядзелкі

Як працуюць сядзелкі

Попыт на сядзелак ці медсясцёр, якія могуць даглядаць цяжка хворых людзей на даму, пастаянна расце.

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.