Вы тут

Кітай распачаў камерцыйнае выкарыстанне сеткі 5G


Тэхналогія актыўна разгортваецца ў сусветным маштабе.


Міністэрства прамысловасці і інфарматызацыі КНР выдала ліцэнзіі на камерцыйнае выкарыстанне тэхналогій сувязі пятага пакалення (5G), перадае «Жэньмінь жыбаа» анлайн».
Такім чынам, Кітай афіцыйна ўвайшоў у эпоху камерцыйнага выкарыстання 5G. Паведамляецца, што цяпер 5G уступае ў ключавы этап камерцыйнага выкарыстання ў сусветным маштабе. Ужываючы свае інавацыі і ажыццяўляючы адкрытае супрацоўніцтва, Кітай набыў канкурэнтныя перавагі ў гэтай галіне.

Старшы інжынер Акадэміі інфармацыйных і камунікацыйных тэхналогій Кітая (CAICT) Гун Даніна паведаміў, што ініцыяваныя Кітаем канцэпцыя, сфера прымянення і тэхнічныя паказчыкі, звязаныя з 5G, ужо ўвайшлі ў навуковае вызначэнне сувязі пятага пакалення Міжнароднага саюза электрасувязі.

Па стане на май 2019 года 28 прадпрыемстваў у свеце падалі заяву на атрыманне патэнтаў на стандарты ў сферы 5G, на долю кітайскіх прадпрыемстваў прыйшлося больш за 30 працэнтаў такіх заявак, па гэтым паказчыку Кітай заняў першае месца ў свеце.

Разам з тым Кітай запусціў эксперымент па правядзенню навукова-даследчых і доследна-канструктарскіх работ у сферы 5G і паскорыў працэс распрацоўкі і ўкаранення ў вытворчасць абсталявання. На цяперашні момант КНР знаходзіцца ў першых шэрагах у свеце па вытворчасці абсталявання тракта прамежкавай частоты, 5G-тэрмінальных чыпаў і смартфонаў з падтрымкай 5G.

Як паведамілі ў ведамстве, дзякуючы намаганням прамысловых колаў, кітайскія тэхналогіі і прадукты ў сферы 5G становяцца больш сталымі, галоўныя звёны вытворчага ланцужка дасягнулі ўзроўню камерцыйнага выкарыстання і набылі неабходныя ўмовы для камерцыялізацыі.

На працягу многіх гадоў кітайскія прадпрыемствы ўносілі актыўны ўклад у развіццё глабальнай мабільнай сувязі, пры гэтым Кітай таксама запазычаў вопыт іншых краін у даследаванні і паспяховым укараненні тэхналогій 5G. Гун Даніна заявіў, што Кітай нязменна прытрымліваецца ідэй адкрытасці, талерантнасці, супрацоўніцтва і ўзаемнага выйгрышу і сумесна з глабальнымі партнёрамі прасоўвае наперад развіццё тэхналогіі.

У 2013 годзе Кітай стварыў рабочую групу IMT-2020 5G, членамі якой сталі шэраг вядомых замежных прадпрыемстваў, такіх як Ericsson, Nokia, Qualcomm, Intel і Rohde and Schwarz. Дзякуючы дадзенай платформе кітайскія і замежныя кампаніі сумесна правялі даследаванне і тэставанне тэхналогій і прадуктаў 5G, а таксама распрацавалі тэхнічныя стандарты і нарматывы выпрабаванняў.

Nokia, Ericsson, Qualcomm і Intel прынялі паглыблены ўдзел у этапе тэставання тэхналогій. Сусветныя кампаніі, якія ажыццяўляюць дзейнасць у сферах сістэм абсталявання, чыпаў, тэрміналаў і кантрольна-вымяральных прыбораў, узаемна супрацоўнічаюць і сумесна развіваюцца, што адыграе важную ролю ў паскарэнні развіцця вытворчай ланцужкі 5G Кітая.

У сусветнай індустрыі мабільнай сувязі сфармавалася структура, згодна з якой прадпрыемствы ўсіх краін аб’ядноўваюць намаганні для дасягнення ўзаемнай выгады і ўзаемнага выйгрышу. У эпоху 4G многія замежныя кампаніі выйшлі на кітайскі рынак мабільнай сувязі і ўсталявалі спрыяльныя адносіны супрацоўніцтва з кітайскімі аператарамі сувязі. Яны сталі важнай складовай часткай кітайскага рынку мабільнай сувязі, зрабіўшы важны ўклад у развіццё гэтай індустрыі ў Кітаі.

Паводле слоў Гун Даніна, Кітай мае намер як і раней вітаць актыўны ўдзел замежных прадпрыемстваў у будаўніцтве сеткі і ўкараненні 5G, працягваць паглыбляць супрацоўніцтва з замежнымі партнёрамі, сумесна планаваць інавацыйнае развіццё і дзяліцца вынікамі развіцця краіны ў гэтай сферы.

Выбар рэдакцыі

Грамадства

У Полацку ўпершыню знойдзена пахаванне князя

У Полацку ўпершыню знойдзена пахаванне князя

Сярод знаходак — нямала сенсацый.

Грамадства

З баршчэўнікам змагаюцца нават з дапамогай квадракоптара

З баршчэўнікам змагаюцца нават з дапамогай квадракоптара

Вопыт Віцебшчыны ў знішчэнні баршчэўніку цікавы таму, што тут больш за 80 працэнтаў зараснікаў ад агульнага па краіне.

Грамадства

Прэтэндэнты на студэнцкі білет здалі тэст па матэматыцы

Прэтэндэнты на студэнцкі білет здалі тэст па матэматыцы

Пазнаць у гарадскім натоўпе абітурыентаў можна без праблем.

Грамадства

Як жывуць апошнія жыхары вёскі Вясневічы

Як жывуць апошнія жыхары вёскі Вясневічы

Галоўная славутасць Вясневічаў, яе жывая гісторыя — 96-гадовы Аляксей Юркевіч.