Гарачае і няўстойлівае надвор'е захаваецца ў нашай краіне ў наступныя выхадныя, паведамілі спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Захаваецца няўстойлівае надвор'е і ў суботу. У гэтыя суткі ўначы ў асобных раёнах, а ўдзень на большай частцы краіны пройдуць кароткачасовыя дажджы, месцамі з навальніцамі. Тэмпература паветра ўначы складзе плюс 15—20 градусаў, а днём паветра прагрэецца да 26—31 цяпла.
У нядзелю краіна апынецца пад уплывам атмасфернага фронту, які перамяшчаецца з боку Заходняй Еўропы. Уначы месцамі, а ўдзень на большай частцы тэрыторыі пройдуць кароткачасовыя дажджы рознай інтэнсіўнасці, у асобных раёнах прагрымяць навальніцы, якія будуць суправаджацца парывістым ветрам. Тэмпература паветра ўначы чакаецца ад плюс 13 да плюс 20 градусаў, а ўдзень — 21—28 цяпла. Па ўсходзе краіны па-ранейшаму будзе прыпякаць, удзень прагназуецца да 31 градуса.
Паводле папярэдніх прагнозаў айчынных сіноптыкаў, у пачатку наступнага тыдня надвор'е будзе ў асноўным вызначаць вобласць павышанага атмасфернага ціску. Толькі на паўднёвым усходзе краіны ў гэтыя дні захаваецца ўплыў атмасфернага фронту. Будзе пераважна без ападкаў, па паўднёвым усходзе пройдуць кароткачасовыя дажджы, у асобных раёнах прагрымяць навальніцы. Тэмпература паветра ўначы складзе ад плюс 11 да плюс 18 градусаў цяпла, удзень будзе таксама прыпякаць — да 24—30 цяпла.
Сяргей КУРКАЧ
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.