Вы тут

Прадстаўлены Дэкрэт № 3 «Аб дадатковых мерах па барацьбе з карупцыяй»


Генеральны пракурор Беларусі Аляксандр Канюк прадставіў членам Савета Рэспублікі Дэкрэт № 3 «Аб дадатковых мерах па барацьбе з карупцыяй».


Выступаючы перад сенатарамі, ён адзначыў, што барацьба з карупцыяй у нашай краіне — не разавая, а пастаянная і мэтанакіраваная праца. Сведчаннем гэтага з'яўляецца рост колькасці выяўленых фактаў такога кшталту злачынстваў.

— Штогод рэгіструецца каля дзвюх тысяч карупцыйных злачынстваў. Да адказнасці прыцягваецца каля тысячы службовых асоб. З аднаго боку, гэта дрэнна. Любое карупцыйнае злачынства выклікае абурэнне ў краіне ў цэлым і на месцах у прыватнасці. З другога боку, у масе злачынстваў агульнага характару на долю карупцыі прыпадае невялікі працэнт. Летась у параўнанні з 2017 годам колькасць улічаных карупцыйных злачынстваў прырасла на траціну. Мы канстатуем, што распаўсюджаны факты хабарніцтва, злоўжывання і перавышэння ўлады і службовых паўнамоцтваў.

Аляксандр Канюк падкрэсліў, што барацьба з карупцыяй павінна быць рашучай і бескампраміснай на ўсіх узроўнях. Генеральны пракурор нагадаў, што Дэкрэт выдадзены для ўзмацнення мер адказнасці за здзяйсненне карупцыйных злачынстваў. У адпаведнасці з ім асобы, асуджаныя за гэта, не падлягаюць прадстаўленню да ўмоўна-датэрміновага вызвалення або замене неадбытай часткі пакарання больш мяккім.

— Што да ўлічаных карупцыйных злачынстваў, то высветлены матэрыяльны ўрон на суму больш за 22 мільёны рублёў. Ён кампенсаваны на 11,9 мільёна. Арышт на маёмасць абвінавачаных і іншых датычных асоб быў накладзены на агульную суму звыш 30 мільёнаў рублёў. Гэта дазволіла забяспечыць пакрыццё нанесенай шкоды.

Старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей Рахманаў падкрэсліў, што дэкрэт — гэта важны крок у барацьбе з карупцыяй, краевугольны камень ва ўсёй сістэме антыкарупцыйнага заканадаўства.

Валяр'ян ШКЛЕННІК

Фота Яўгена ПЯСЕЦКАГА

Загаловак у газеце: Важны крок у барацьбе з карупцыяй

Выбар рэдакцыі

Культура

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Свята, якое ўжо традыцыйна ладзіцца ў першую нядзелю верасня, сёлета прымае Слонім.

Грамадства

Як працуюць сядзелкі

Як працуюць сядзелкі

Попыт на сядзелак ці медсясцёр, якія могуць даглядаць цяжка хворых людзей на даму, пастаянна расце.

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.