Вы тут

«Спорт-фактар» узнагародзіў наймацнейшых


Днямі фінішаваў тэлевізійны праект «Спорт-фактар», зладжаны каналам АНТ пры падтрымцы Міністэрства спорту і турызму Беларусі і прымеркаваны да ІІ Еўрапейскіх гульняў. Удзел у ім узялі 24 чалавекі, падзеленыя на шэсць камандаў — бізнесмены, грамадскія дзеячы, артысты, тэлевядучыя, спартсмены і тэлегледачы, — якія на працягу двух месяцаў спаборнічалі ў розных дысцыплінах будучага спартыўнага форуму.


Удзельнікі выпрабоўвалі сябе ў стэндавай стральбе, эстафеце 4х100 метраў, веславанні на байдарцы, велатрэку і пляжным футболе. Самым траўманебяспечным відам праграмы стала велагонка, бо трэкавыя веласіпеды ў прамым сэнсе — без тармазоў. Але і пасля траўмаў і падзенняў ніхто не сышоў з дыстанцыі: бізнес-лэдзі Вольга Рачко падтрымлівала сваю каманду, нават знаходзячыся ў гіпсе!

Спаборніцтвы ішлі па алімпійскай сістэме: каманда, якая прайгравала на кожным этапе, выбывала з праекта. Наймацнейшай жа сярод усіх стала каманда грамадскіх дзеячаў «Мара», у якую ўваходзілі алімпійскі чэмпіён у веславанні на каноэ, дэпутат Палаты прадстаўнікоў Нацыянальнага сходу Аляксандр Багдановіч, першы сакратар Мінскай абласной арганізацыі БРСМ Кірыл Шык, афіцыйны прадстаўнік МУС палкоўнік міліцыі Вольга Чамаданава, а таксама «Другая віцэ-міс Беларусь—2018» Настасся Лаўрыновіч. Пераможцам дастаўся галоўны прыз: кубак праекта «Спорт-фактар», білеты на цырымонію адкрыцця ІІ Еўрапейскіх гульняў, грашовыя сертыфікаты, імянныя банкаўскія карткі ад партнёраў конкурсу. Атрымалі грашовыя прызы і спецыяльныя падарункі сярэбраныя медалісты — каманда тэлегледачоў «Шторм» і бронзавыя — каманда «Бізнес-team».

Вікторыя ЦЕЛЯШУК

Выбар рэдакцыі

Грамадства

У Полацку ўпершыню знойдзена пахаванне князя

У Полацку ўпершыню знойдзена пахаванне князя

Сярод знаходак — нямала сенсацый.

Грамадства

З баршчэўнікам змагаюцца нават з дапамогай квадракоптара

З баршчэўнікам змагаюцца нават з дапамогай квадракоптара

Вопыт Віцебшчыны ў знішчэнні баршчэўніку цікавы таму, што тут больш за 80 працэнтаў зараснікаў ад агульнага па краіне.

Грамадства

Прэтэндэнты на студэнцкі білет здалі тэст па матэматыцы

Прэтэндэнты на студэнцкі білет здалі тэст па матэматыцы

Пазнаць у гарадскім натоўпе абітурыентаў можна без праблем.

Грамадства

Як жывуць апошнія жыхары вёскі Вясневічы

Як жывуць апошнія жыхары вёскі Вясневічы

Галоўная славутасць Вясневічаў, яе жывая гісторыя — 96-гадовы Аляксей Юркевіч.