Вы тут

Ці гатова Беларусь стаць другой Швейцарыяй?


Наколькі значная для нашай краіны пазіцыя нейтралітэту ў сучасных канфліктах, разважалі ўдзельнікі міжнароднай канферэнцыі «Беларусь у сучасных геапалітычных і геаэканамічных працэсах», якая адбылася ўчора ў Нацыянальнай акадэміі навук. Эксперты прыехалі ў Мінск з Расіі, Польшчы, Бельгіі, Германіі і Венгрыі.


Эксперты абмяркоўвалі, якім чынам Беларусь рэалізуе стратэгію ад іn between да brіdgіng, — ад пазіцыі памежнай краіны да дзяржавы-моста, якая дапамагае наладжваць камунікацыю Захаду і Усходу.

Пазіцыю Міністэрства замежных спраў (МЗС) на канферэнцыі прадстаўляў начальнік упраўлення знешнепалітычнага аналізу Сяргей Маліноўскі. Адносна тэматыкі дыскусіі дыпламат заўважыў: «Мост — гэта статычная канструкцыя, якая мае значную станоўчую функцыю, яднаць бакі, але не дапускае ніякай актыўнасці. Гэта не тая пазіцыя, якую хацела б займаць наша краіна. Беларусь дзейнічае дастаткова актыўна ў якасці суверэннай дзяржавы на міжнароднай арэне».

Пацверджанне таму — старшынства Беларусі ў Цэнтральна-Еўрапейскай Ініцыятыве, правядзенне Парламенцкай асамблеі АБСЕ ў Мінску і шэраг іншых міжнародных сустрэч на высокім узроўні, якія адбыліся за апошнія пару год.

«Дасягненне Мінскіх пагадненняў па Украіне ў значнай меры перавярнула імідж нашай краіны. Сёння Мінск у медыйнай прасторы і ў грамадскім меркаванні асацыюецца менавіта з гэтымі пагадненнямі», — сказаў Сяргей Маліноўскі.

Па словах прадстаўніка МЗС, краіна працягвае генераваць ідэі для так званага «аб'яднальнага міжнароднага парадку». Такой ініцыятывай з'яўляецца «інтэграцыя інтэграцый». «Сёння можна казаць пра больш мяккія фармулёўкі — партнёрства інтэграцый, кааперацыя інтэграцый. Гэта ўсё накіравана на тое, каб пераадолець палітычныя, эканамічныя, ваенна-палітычныя межы, бар'еры, — адзначыў дыпламат. — Але гэта агульная тэндэнцыя. Не толькі Беларусь прасоўвае такія прапановы».

Наша дзяржава — актыўны ўдзельнік усіх інтэграцыйных аб'яднанняў на постсавецкай прасторы, які сумленна выконвае свае абавязкі. Патэнцыял звязаць еўрапейскую і еўразійскую прасторы Беларусь бачыць і ў ініцыятыве «Усходняга партнёрства».

«Балансаванне паміж Расіяй і Еўрапейскім саюзам мне здаецца не зусім карэктнай пастаноўкай пытання. Было б правільна казаць аб знаходжанні балансу інтарэсаў Беларусі ў адносінах з нашымі партнёрамі, — паведаміў Сяргей Маліноўскі. — Таму што, на мой погляд, Беларусь не балансуе, а дакладна прытрымліваецца сваіх абавязкаў у рамках інтэграцыйных аб'яднанняў».

Марыя Дадалка

Загаловак у газеце: Масты для міру і стабільнасці

Выбар рэдакцыі

Культура

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Свята, якое ўжо традыцыйна ладзіцца ў першую нядзелю верасня, сёлета прымае Слонім.

Грамадства

Як працуюць сядзелкі

Як працуюць сядзелкі

Попыт на сядзелак ці медсясцёр, якія могуць даглядаць цяжка хворых людзей на даму, пастаянна расце.

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.