Вы тут

Якіх прафесій трэба пазбягаць, калі ёсць праблемы са здароўем?


У канцы вучэбнага года перад юнакамі і дзяўчатамі стаіць няпростае пытанне — якую прафесію абраць? Трэба памятаць, што пры такім выбары важны не толькі ўзровень ведаў, але і стан здароўя. Якія прафесіі не рэкамендуюцца з самымі распаўсюджанымі сярод падлеткаў захворваннямі, расказала ўрач падлеткавага кабінета 3-й гарадской дзіцячай клінічнай паліклінікі г. Мінска Зоя Паляк.


— Ёсць шэраг захворванняў, якія могуць абмежаваць прафесійную прыдатнасць. Напрыклад, пры вегетасасудзістай дыстаніі, схільнасці да гіпертанічных ці гіпатанічных рэакцый, парушэннях рытму сэрца непажаданы прафесіі, звязаныя з фізічным і эмацыйным напружаннем, з уздзеяннем высокіх ці нізкіх тэмператур, павышанымі шумам і вібрацыяй, усімі відамі электрамагнітных выпраменьванняў.

Калі маецца хранічнае захворванне страўнікава-кішачнага тракту, скажам, гастрыт, у залежнасці ад цяжкасці стану, не трэба выбіраць прафесіі, для якіх характэрна значнае фізічнае напружанне, вымушаны стан цела з пераважным напружаннем мышцаў брушнога прэса, агульная вібрацыя, кантакт з таксічнымі рэчывамі, немагчымасць прытрымлівацца рэжыму харчавання.

У 5 % падлеткаў маецца міяпія (блізарукасць) — захворванне органаў зроку. Абмежаванні пры выбары прафесіі залежаць ад яе ступені, магчымасці яе карыгіраваць акулярамі ці кантактнымі лінзамі, стану вочнага дна. Найбольш абмежаваныя ў выбары падлеткі з высокай ступенню міяпіі і зменамі на вочным дне. Незалежна ад ступені хваробы, ім супрацьпаказаныя прафесіі, якія патрабуюць вялікіх фізічных намаганняў і рэзкіх змен паставы цела. Допуск да дакладных зрокавых работ пры любой ступені блізарукасці залежыць ад таго, ці забяспечвае карэкцыя неабходную вастрыню зроку.

У любым выпадку перад тым, як выбраць тую ці іншую прафесію, варта пракансультавацца з падлеткавым урачом.

Алена КРАВЕЦ

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.