Вы тут

У Мінск прыбудуць мошчы святых вялікай княгіні Елісаветы і інакіні Варвары


У Мінск 29 мая прыбудуць мошчы святых вялікай княгіні Елісаветы і інакіні Варвары

Каўчэгу з правіцай княгіні і часткай мошчаў інакіні Варвары можна будзе пакланіцца да шостага чэрвеня. У дзень прыбыцця з 17.00 да 22.00 і 30 мая з 6.00 да 15.00 святыні адкрыты для вернікаў у Свята-Духавым кафедральным саборы Мінска (вул. Кірылы і Мяфодзія, 3). Узначаліць сустрэчу мошчаў Мітрапаліт Мінскі і Заслаўскі, Патрыяршы Экзарх усяе Беларусі Павел.


Потым святыні перавязуць у Дзяржаўны храм Свята-Елісавецінскага манастыра ў мікрараёне Навінкі (вул. Выгоцкага, 6). Там яны будуць знаходзіцца з вечара 30 мая да 6 чэрвеня. Пацалаваць каўчэг з рэшткамі святых у Дзяржаўным храме можна з 7.00 да 22.00.

Княгіню Елісавету, заснавальніцу Марфа-Марыінскага прыстанку, лічаць сваёй нябеснай заступніцай лекары, супрацоўнікі сацыяльных службаў і дабрачынцы. Да яе звяртаюцца з малітвамі аб дзецях, аб благаслаўленні сям'і, у хваробах і іншых жыццёвых сітуацыях.

Год назад мошчы святых вялікай княгіні Елісаветы і інакіні Варвары таксама прывозілі ў Мінск. Тады за два дні ў Свята-Елісавецінскім манастыры да іх прыклалася больш чым 16 тысяч чалавек.

У беларускую сталіцу святыні даставяць са Знаменскага Сінадальнага сабора горада Нью-Ёрка яго ключнік протаіерэй Андрэй Сомер і прадстаўнікі Маладзёжнай асацыяцыі святога князя Уладзіміра. Праваслаўная моладзь ЗША таксама прывязе сродкі для дзяцей-інвалідаў рэабілітацыйнага цэнтра «Самаранін» у Пінску. У мінулым годзе Моладзевая асацыяцыя святога князя Уладзіміра дапамагла мінскаму дому-інтэрнату для дзяцей з асаблівасцямі развіцця — на тэрыторыі быў створаны сэнсарны сад і кантактны заапарк.

Марыя ДАДАЛКА

Выбар рэдакцыі

Грамадства

У 72-м аб'яднаным вучэбным цэнтры юнакі атрымліваюць і грамадзянскія спецыяльнасці

У 72-м аб'яднаным вучэбным цэнтры юнакі атрымліваюць і грамадзянскія спецыяльнасці

72-і аб'яднаны вучэбны цэнтр, што ў Печах, — самая вялікая воінская часць у Беларусі. 

Грамадства

Распавядаем, як арганізавана меддапамога ў Паставах

Распавядаем, як арганізавана меддапамога ў Паставах

Самым аддаленым ад абласнога цэнтра раёне краіны.

У свеце

Чаму Дональд Трамп захацеў набыць Грэнландыю?

Чаму Дональд Трамп захацеў набыць Грэнландыю?

Цяпер гэтая аўтаномная тэрыторыя ўваходзіць у склад Каралеўства Данія.

Грамадства

Школы Гомельшчыны прайшлі праверку на гатоўнасць да навучальнага года

Школы Гомельшчыны прайшлі праверку на гатоўнасць да навучальнага года

Сё­ле­та ў да­школь­ныя ўста­но­вы ра­ё­на прый­дзе 2 700 ма­лых.