Вы тут

У сераду на поўдні краіны прыпячэ да плюс 27 градусаў


Сёння ўдзень умовы надвор'я ў нашай краіне будуць вызначаць атмасферныя франты і цёплая паветраная маса, якая паступае з поўдня Еўропы.

Чакаецца воблачнае з праясненнямі надвор'е. Удзень на большай частцы тэрыторыі краіны пройдуць кароткачасовыя дажджы, месцамі — навальніцы. Вецер паўднёвы, удзень у заходніх раёнах з пераходам на паўночна-заходні, умераны, пры навальніцах парывісты, днём — моцны парывісты. Тэмпература паветра ўдзень ад плюс 20 да плюс 27 градусаў, па паўночным захадзе — 14—19 цяпла. У перадапошні дзень мая захаваецца ўплыў атмасферных франтоў, якія павольна ссоўваюцца на ўсход краіны.

А ўслед за імі пачне паступаць халодная паветраная маса, таму чакаецца воблачнае з праясненнямі надвор'е. Уначы на большай частцы тэрыторыі краіны, раніцай і ўдзень па ўсходзе чакаюцца кароткачасовыя дажджы, месцамі навальніцы. Вецер будзе пераменных напрамкаў, слабы, пры навальніцах парывісты. Тэмпература паветра ўначы складзе ад плюс 6 да плюс 13 градусаў, удзень — 14—21 цяпла, па паўднёвым усходзе ўначы — плюс 14—17 градусаў, удзень — 22—26 цяпла.

Паводле папярэдніх прагнозаў айчынных сіноптыкаў, у пятніцу атмасферны ціск падрасце, аблокаў і дажджоў стане менш. Тэмпература паветра ўначы складзе ад 5 да 12 градусаў цяпла, удзень — 17—24 вышэй за нуль. У паўднёва-ўсходніх раёнах будзе цяплей, там у начныя гадзіны паветра прагрэецца да плюс 16 градусаў, а ў дзённыя — да 27 цяпла.

Спецыялісты спрагназавалі надвор'е і на выхадныя. У суботу і нядзелю ў асобных раёнах краіны пройдуць невялікія кароткачасовыя дажджы, месцамі з навальніцамі. Тэмпература паветра ўначы складзе 5—12 градусаў вышэй за нуль, месцамі будзе да плюс 14 градусаў. Удзень паветра прагрэецца ад плюс 16 да плюс 23 градусаў, па паўднёвым усходзе — да 25 цяпла. Такі тэмпературны фон на 1—3 градусы ніжэйшы за кліматычную норму для першых летніх дзён.

Сяргей КУРКАЧ

Выбар рэдакцыі

Грамадства

Як сапраўдныя мужыкі засвойваюць «жаночую» справу

Як сапраўдныя мужыкі засвойваюць «жаночую» справу

У апошнія гады тэма раўнапраўя паміж мужчынамі і жанчынамі перажывае новую хвалю росквіту.

Культура

Згадкі пра Аркадзя Куляшова

Згадкі пра Аркадзя Куляшова

Гісторыя аднаго выступлення.