Вы тут

Рым — за мір!


Разгортваецца дзейнасць Культурна-­адукацыйнага цэнтра “Францыск Скарына” ў італьянскай сталіцы


Вялікдзень святкуюць дзеці ў Цэнтры Скарыны ў Рыме

У рэдакцыю напісала Ніна Пашчанка, прэзідэнт Культурна-адукацыйнага цэнтра “Францыск Скарына”. Ён быў адкрыты пры падтрымцы Амбасады Беларусі ў Італіі 1 снежня 2018 года — гл. у Facebook: scuolaFSkaryna. Да таго ж Ніна Ігараўна — віцэ-прэзідэнт МКЦ “Содружество”, які аб’яднаў прадстаўнікоў дзяржаў постсавецкай прасторы й супрацоўнічае з 23 краінамі.

У інтэрнэце ёсць інфармацыя пра Цэнтр Скарыны на сайце Расійскага цэнтра навукі й культуры ў Рыме (прадстаўніцтва Россотрудничества). Даведаліся: там “в школе выходного дня ребята от 5 до 16 лет изучают русский язык, литературу, математику, окружающий мир, географию, логику и развивают речь”. Спадзяемся з часам даведацца: пра што з духоўнай спадчыны нашых продкаў, з жыцця сучаснай Беларусі расказваюць дзецям выкладчыкі ў цэнтры, што носіць імя беларуса-палачаніна.

Удзельнікі і госці святочнай імпрэзы ў гонар Дня Перамогі

Ніна Пашчанка напісала, што ў Культурна-адукацыйным цэнтры “Францыск Скарына” прайшла святочная імпрэза ў гонар Уваскрасення Хрыстова. “Выступіў настаяльнік Нікольскага храма Рыма, святар Сергій Варонін. Ён распавёў пра гісторыю свята, і потым вучні школы атрымалі ад яго салодкія падарункі. Хлопчыкі й дзяўчынкі на Велікодным свяце чыталі вершы, вадзілі карагоды, гулялі, нават казку інсцэнавалі”. Другі допіс зямлячкі — пра імпрэзу ў цэнтры ў гонар Дня Перамогі. Ён прайшоў 11 мая. “Спачатку выступілі дыпламаты Беларусі, Расіі, Казахстана. Пры тым старшы дарадца Амбасады Беларусі ў Італіі Вольга Далгаполава нагадала: 3 ліпеня Беларусь адсвяткуе 75-годдзе Вызвалення. Выступіла й Гулістан Хамзаева, наш ганаровы госць, жонка былога Амбасадара Казахстана ў Італіі — яна падарыла нашаму Цэнтру сваю кнігу з дарчым надпісам. Выступалі іншыя дыпламаты, госці цэнтра, прадстаўнікі культурных цэнтраў і асацыяцый. “Вучні са школы пры Пасольстве Расіі спявалі песні, чыталі вершы, зладзілі маленькі спектакль. З дапамогай вядомых у Рыме музыкантаў і спевакоў канцэрт доўжыўся паўтары гадзіны. Мы разам плакалі, спявалі, успаміналі і ганарыліся продкамі, дзякавалі ўсім, хто падарыў нам мір. Пасля канцэрта госці разглядалі малюнкі, дасланыя з мінскай 147-й школы, з якой мы сябруем”. А напрыканцы свята ўсе разам спявалі песню “День Победы”.

Іван Іванаў

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.