Зацверджана Канцэпцыя дзейнасці гарадскіх інфармацыйных кропак падчас II Еўрапейскіх гульняў. Дакумент быў падрыхтаваны супрацоўнікамі кафедры міжнароднага турызму факультэта міжнародных адносін БДУ пры падтрымцы фонду «Дырэкцыя II Еўрапейскіх гульняў 2019 года».
У канцэпцыі прапісаны механізм працы валанцёраў і забеспячэння інфармацыйнай падтрымкай гасцей горада ў перыяд правядзення спартыўных мерапрыемстваў. Плануецца, што з 19 чэрвеня пачнуць працаваць каля 20 гарадскіх інфармацыйных кропак на сталічных пляцоўках, а таксама прылеглых да аб’ектаў спаборніцтваў тэрыторыях. У іх ліку Нацыянальны аэрапорт «Мінск», аўтавакзал «Цэнтральны», чыгуначны вакзал «Мінск-Пасажырскі», Студэнцкая вёска, фан-зоны, асноўныя турыстычныя маршруты сталіцы... Тут размесцяцца інфармацыйныя палаткі і стойкі, дзе можна будзе атрымаць звесткі пра графік і месцы правядзення спаборніцтваў, інфраструктуру горада, грамадскага транспарту і іншую карысную для гасцей інфармацыю.
Таксама валанцёры забяспечаць усіх ахвотных спартыўнай і культурнай праграмай II Еўрапейскіх гульняў, гідам балельшчыка, турыстычнай картай горада і буклетамі пра славутасці Мінска і Беларусі.
Усяго на аказанні інфармацыйных паслуг будзе задзейнічана больш як 600 добраахвотнікаў. На гарадскіх інфакропках размесцяцца 200 чалавек. І каля 400 валанцёраў будуць дапамагаць гледачам і балельшчыкам прайсці на трыбуны, каб пазбегнуць утварэння вялікіх чэргаў.
Карта размяшчэння інфармацыйных кропак даступная на сайце II Еўрапейскіх гульняў.
БДУ з’яўляецца афіцыйным партнёрам міжнародных спаборніцтваў і мае адну з самых прадстаўнічых дэлегацый валанцёраў на гульнях у колькасці больш за 1700 чалавек.
II Еўрапейскія гульні пройдуць у Мінску з 21 па 30 чэрвеня. Больш за 4 тысячы атлетаў з 50 краін разыграюць 200 камплектаў узнагарод у 15 відах спорту.
Надзея НІКАЛАЕВА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
