Вы тут

Фінансавы сектар Беларусі чакае глыбокая трансфармацыя


Парламентарыі пазнаёміліся з новымі падыходамі ў развіцці лічбавых банкаўскіх тэхналогій і новымі тэхналогіямі пры аказанні банкаўскіх паслуг. Пастаянная камісія Палаты прадстаўнікоў па бюджэце і фінансах правяла выязное пасяджэнне ў Белзнешэканамбанку, падчас якога ўдзельнікі сустрэчы пазнаёміліся з функцыянаваннем тэхналогій сістэмы дыстанцыйнага банкаўскага абслугоўвання, абмеркавалі праблемы сучаснай стратэгіі кіравання адносінамі з кліентамі, пытанні развіцця, прасоўвання і бяспекі дыстанцыйных прадуктаў.


«У краіне хутка развіваецца сектар ІТ-індустрыі, дзякуючы чаму ў беларускім рознічным бізнесе банкаў з'яўляецца ўсё больш лічбавых прадуктаў і сэрвісаў для забеспячэння патрэб кліентаў», — падкрэсліла старшыня камісіі Людміла ДАБРЫНІНА. Так, банк, які наведалі дэпутаты, прапануе амаль усе класічныя банкаўскія паслугі дыстанцыйна, пашыраючы лінейку анлайн-прадуктаў.

З пункту гледжання старшыні праўлення ААТ «Банк БелВЭБ» Васіля МАЦЮШЭЎСКАГА, адзін з важных, але недастатковых рэсурсаў — кампетэнтныя кадры: «Класічны банкаўскі бізнес сыходзіць у нябыт, час фарміруе ўжо зусім іншы попыт на тэхналогіі, якасць, паслугі».

Як адзначыла Людміла Дабрыніна, на выязным пасяджэнні дэпутаты атрымалі неабходную інфармацыю для далейшага ўдасканалення банкаўскага заканадаўства.

Варвара МАРОЗАВА

Загаловак у газеце: Банкі на шляху да анлайну

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Баявыя поспехi шмат у чым залежалi ад быту, або пра што паведамляюць партызанскiя летапiсы

Баявыя поспехi шмат у чым залежалi ад быту, або пра што паведамляюць партызанскiя летапiсы

Партыйныя i камсамольскiя арганiзацыi партызанскiх атрадаў удзялялi вялiкую ўвагу адпачынку i вольнаму часу партызан.