Вы тут

Найлепшыя адукацыйныя практыкі прадставяць на Фестывалі актыўнай ацэнкі


Мерапрыемства арганізуецца цэнтрам прафесійнага развіцця і інавацыйнай адукацыі Акадэміі паслядыпломнай адукацыі (АПА).


Актыўная ацэнка (АА) — менавіта так называюць у Беларусі тэхналогію Fоrmаtіvе Аssеssmеnt (дынамічнае ці фарміруючае ацэньванне), якая стала ў сусветнай адукацыі мэйнстрымам. Усе міжнародныя даследаванні сведчаць, што фарміруючае ацэньванне (актыўная ацэнка) дае вялікі адукацыйны эфект і з’яўляецца ключавой пазіцыяй для паляпшэння адукацыйных вынікаў школьнікаў. Яна дапамагае вучню расці, галоўнай становіцца не адзнака, а ацэнка яго дзейнасці. Значэнне мае не колькасць атрыманых на ўроку балаў, а  тое, чаму ты навучыўся. Актыўная ацэнка лечыць страх перад выстаўленнем адзнакі...

Прыхільнікі актыўнай ацэнкі называюць яе новай адукацыйнай філасофіяй. Яна складаецца з важных элементаў, якія дапамагаюць зрабіць працэс навучання больш скіраваным на асобу кожнага вучня. Чаму філасофія? Таму што патрабуе ад настаўніка прыняць новую ролю і адмовіцца ад стэрэатыпаў, якія склаліся ў традыцыйнай адукацыйнай мадэлі.

Між іншым, сёлета спаўняецца дзесяць гадоў, як актыўная ацэнка, дзякуючы групе настаўнікаў-энтузіястаў, прыйшла ў нашу краіну.

 “Мы маем вельмі шмат сведчанняў настаўнікаў пра тое, як актыўная ацэнка павышае матывацыю і адказнасць вучняў за сваё навучанне, — падкрэслівае прафесар кафедры педагогікі і менеджменту адукацыі АПА, кандыдат педагагічных навук Мікалай ЗАПРУДСКІ. —Многія настаўнікі абаранялі свой вопыт прымянення АА на кваліфікацыйных экзаменах на вышэйшую катэгорыю і катэгорыю “настаўнік-метадыст”, дэманстравалі работу па тэхналогіі АА на рэспубліканскім конкурсе прафесійнага майстэрства “Настаўнік года”. Пагалоска пра нашу актыўную ацэнку распаўсюдзілася і за межы краіны. Да нас у акадэмію, каб засвоіць тэхналогію АА, прыязджаюць кіраўнікі школ і настаўнікі з Расіі. Ёсць цікавасць і з боку ўкраінскіх калег”.

У рамках фестывалю пройдуць майстар-класы і ўрокі для дарослых на тэмы “АА і праектаванне кампетэнтаснага ўрока”, “АА і новыя магчымасці сучаснага ўрока”, “Актыўная ацэнка як сродак прафесійнага развіцця педагогаў”,  “Актыўная ацэнка на ўроку, або як папуасаў навучыць гатаваць дранікі” і іншыя.

Надзея НІКАЛАЕВА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.