Уладальнік маскоўскага шматпрофільнага медыцынскага цэнтра "Ф Клінікс", 32-гадовы бізнесмен з Беларусі Павел Фралоў, падазраецца ў махлярстве на суму 15,5 млн долараў.
Удзельнікі групы "пад кіраўніцтвам раней судзімага грамадзяніна адной з замежных дзяржаў" стварылі ў шэрагу рэгіёнаў Расіі сетку медыцынскіх клінік з мэтай атрымання звышпрыбытку, паведамляе газета "Коммерсант". Увогуле ў межах крымінальнай справы затрыманыя 25 чалавек.
Работнікі ўстаноў, якія не маюць спецыяльнай медыцынскай адукацыі, уводзілі пажылых людзей у зман аб наяўнасцi ў iх захворванняў, якія патрабуюць неадкладнага і дарагога лячэння. Для аплаты фіктыўных медыцынскіх паслуг пацярпелых схілялі да афармлення крэдытаў на сумы да 7,7 тысячы долараў.
У МУС Расіі лічаць, што падкантрольныя арганізатару махлярства лекары, дзейнічаючы ў розных расійскіх гарадах, атрымалі грошы з больш за 11 тысяч здаровых грамадзян за непатрэбныя ім медыцынскія паслугі.
Прадстаўнікі Фралова сцвярджаюць, што ён не меў дачынення да аферы, а скаргі на яго ініцыяваныя канкурэнтамі па рынку.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.