Вы тут

За апошнія 4 месяцы знізілася колькасць дарожных здарэнняў з дзецьмі


Штогод у Беларусі рэгіструецца каля 750 тысяч траўмаў, з якіх 140—150 тысяч — у дзяцей і падлеткаў-пешаходаў. Пры гэтым калі за мінулыя дзесяць гадоў 80 % здарэнняў адбыліся па віне апошніх, дык цяпер 78 % выпадкаў — наступствы няўважлівасці кіроўцаў.


Ганна БАНАДЫК, старшы інспектар па асаблівых даручэннях аддзела арганізацыі міжведамаснага ўзаемадзеяння і прапаганды бяспекі дарожнага руху УДАІ міліцыі грамадскай бяспекі МУС адзначыла, што сёлета Дзяржаўтаінспекцыя будзе працаваць па трох кірунках: прафілактыка дзіцячага траўматызму напярэдадні летніх канікул, работа з бацькамі па выхаванні адказных адносін да дзяцей у пытаннях дарожнай бяспекі і стварэнне спрыяльных умоў для дзяцей у соцыуме.

— За апошнія чатыры месяцы назіраецца зніжэнне колькасці дарожных здарэнняў з дзецьмі з 90 да 78 чалавек. Пры гэтым колькасць загінулых засталася на ўзроўні мінулага года. Нягледзячы на дзеючы закон 2015 года, які прадугледжвае перавозку дзяцей у аўтамабілі з выкарыстаннем дзіцячых утрымлівальных крэслаў, бацькі часта гэтым грэбуюць. Таму важна праводзіць прафілактычную работу не толькі з дзецьмі, але і з дарослымі. Трэба памятаць і пра тое, што з надыходам цёплай пары з'явілася небяспека з'яўлення траўмаў у дзяцей падчас язды на веласіпедах, самакатах, роліках. У Мінску за апошнія некалькі тыдняў ужо зарэгістравана тры такія выпадкі.

Ганна РЫСЯВЕЦ, начальнік аддзела выхаваўчай і ідэалагічнай работы камітэта па адукацыі Мінгарвыканкама расказала, што ў Мінскім гарадскім інстытуце развіцця адукацыі педагогамі праводзіцца адукацыйны комплекс для дзяцей, у розных лагерах, перынатальных цэнтрах і санаторыях расказваецца пра важнасць бяспечных паводзінаў у грамадстве, ва ўсіх установах адукацыі аддаецца вялікая ўвага бацькоўскім сходам, дзе ўздымаецца тэма бяспекі дзяцей і іх паводзінаў у соцыуме.

Дар'я ШЛАПАКОВА

Загаловак у газеце: На канікулы — без траўмаў

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».