Вы тут

Цыбулі да канца міжсезоннага перыяду хопіць


З-за складаных умоў надвор'я мінулага года — анамальнай спёкі — загінула значная частка ўраджаю цыбулі ў многіх краінах Еўрасаюза і, як вынік, утварыўся яго востры дэфіцыт на сусветных рынках, а цэны імкліва пайшлі ўверх. У гэтай сувязі Міністэрства антыманапольнага рэгулявання і гандлю выступіла з тлумачэннямі адносна таго, як у сувязі з павышаным попытам на цыбулю змянілася кан'юнктура спажывецкага рынку краіны.


Найперш, паведамляе МАРГ, аб'ёмы вытворчасці цыбулі ў Беларусі дазваляюць цалкам забяспечыць унутраны рынак. Гадавая патрэба ў ёй арганізацый гандлю складае каля 25—27 тысяч тон і, па ацэнцы, можа быць забяспечана за кошт прадукцыі, вырашчанай у сельгасарганізацыях і фермерскіх гаспадарках краіны. Па звестках Белстата, у гаспадарках усіх катэгорый летась было вырашчана 215,8 тысячы тон цыбулі, ці 91,8 працэнта ад узроўню 2017 года.

У адпаведнасці з рашэннямі аблвыканкамаў і Мінскага гарвыканкама на міжсезонны перыяд 2018—2019 года ў стабілізацыйныя фонды было закладзена 11,7 тысячы тон цыбулі (94 працэнты ад узроўню 2017—2018 года). Па інфармацыі з рэгіёнаў, па стане на 1 мая рэшткі гэтай прадукцыі ў стабілізацыйных фондах склалі адну тысячу тон, што, па разліках, дастаткова да канца міжсезоннага перыяду (31 мая).

Цэны на цыбулю ўстанаўліваюцца вытворцамі і суб'ектамі гандлю самастойна, зыходзячы з якасных характарыстык, кан'юнктуры рынку, выдаткаў па захоўванні.

Летась адзначалася зніжэнне як адпускных, так і рознічных цэн на цыбулю, у той час як сёлета, на фоне неўраджаю 2018 года, адпускныя і рознічныя цэны павялічыліся ў 2,2 раза і прыблізна на 65 працэнтаў адпаведна.

Па інфармацыі аблвыканкамаў і Мінскага гарвыканкама, ажыятажнага попыту на цыбулю не назіраецца, паведамляе МАРГ. Вынікі маніторынгу тэрытарыяльных органаў міністэрства, праведзенага днямі, сведчаць, што цыбуля не менш як трох відаў маецца ў продажы ва ўсіх эгіёнах краіны як у гандлёвых аб'ектах, так і на рынках па цане ад 0,79 да 2,99 рубля за кілаграм (айчынная, адзін-два віды), ад 1,8 да 6,65 рубля за кілаграм (імпартная, адзін-тры віды).

Сяргей РАСОЛЬКА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.