Вы тут

Вінтажны Ролс-Ройс і архітэктура Лангбарда


«Звязда» не так даўно пісала пра брытанскага архітэктара Цзыўая Со, які спраектаваў Беларускую мемарыяльную капліцу ў Лондане, і пра тое, што яна была прызнана адным з найпрыгажэйшых будынкаў Еўропы. А зусім нядаўна стала вядома, што архітэктар узяўся за новы праект, таксама натхнёны нашай краінай. Ён прыдумаў новы павільён для найстарэйшага ў свеце дылера і рэстаўратара вінтажных аўтамабіляў «Ролс-Ройс» і «Бэнтлі». Будынак новага галаўнога офіса кампаніі размесціцца ў Сюрэі (Вялікабрытанія). Збудаванне ўзвядуць у індустрыяльным раёне, які ўзнік у 1920-х гадах. І на тое, які яно будзе мець выгляд, Цзыўая Со натхніла архітэктура Іосіфа Лангбарда 1920-х гадоў, якую ён убачыў (занатаваў, замаляваў) у Мінску.


— Я быў у добрым сэнсе ўражаны канструктывісцкімі будынкамі, якія бачыў у Беларусі, — расказаў Цзыўай Со нашаму карэспандэнту. — Архітэктуру гэтага стылю (натхнёную супрэматызмам) доўгі час адносілі да спадчыны заходняй мадэрнісцкай школы. Канструктывісцкі і супрэматычны рух разглядалі як найбольш інтэнсіўны і ўплывовы ў архітэктуры XX стагоддзя. Беларусь адыграла важную ролю ў развіцці гэтай ідэі. Віцебск быў эпіцэнтрам, у якім развіваўся авангардызм таго часу, гэты працэс моцна звязаны з такімі гігантамі, як Казімір Малевіч і Эль Лісіцкі.

Новы будынак у Сюрэі спраектаваны такім чынам, каб наведвальнікі маглі бачыць, як рэстаўруюцца вінтажныя аўтамабілі. Госці павільёна будуць перамяшчацца з шоўрума на першым паверсе цераз асобны мост на верхнім паверсе да абліцаваных празрыстым полікарбанатам памяшканняў аўтамайстэрань, дзе змогуць убачыць увесь працэс рэстаўрацыі.

Дызайн аўтамабільнага павільёна з выпуклым закругленым кутом быў натхнёны старым будынкам нацыянальнай бібліятэкі ў Мінску, а таксама старой фабрыкай-кухняй у беларускай сталіцы — дзвюма пабудовамі ў стылі канструктывізму.

Пра­ект па­віль­ё­на для він­таж­ных аў­та­ма­бі­ляў на­тхнё­ны бе­ла­рус­кай ар­хі­тэк­ту­рай Іо­сі­фа Ланг­бар­да.

І гэта яшчэ не ўсе праекты, звязаныя з Беларуссю, якімі на дадзены момант займаецца брытанскі архітэктар. У каледжы Вулфсан Кембрыджскага ўніверсітэта 2 ліпеня адкрываецца яго персанальная выстаўка (будзе працаваць да 22 верасня). На ёй будуць прадэманстраваны многія малюнкі архітэктара, якія ён зрабіў, калі быў у Беларусі, а таксама яго праекты, якія ўжо атрымалі шматлікія ўзнагароды. Арыгінал малюнка вялікага памеру «Слонім, 1941», натхнёны візітамі гэтага творцы ў Беларусь і асабістымі ўспамінамі сям'і Каплінскіх, будзе прадстаўлены публіцы ўпершыню. Матэрыялы і тэмы, звязаныя з Беларуссю, складуць значную частку гэтай важнай экспазіцыі ў прэстыжным каледжы і сусветна вядомым універсітэце. Некаторыя працы пасля завяршэння выстаўкі будуць перададзеныя ў пастаянную калекцыю музея Вікторыі і Альберта.

— Выстаўка прадставіць абраныя малюнкі і чарцяжы, зробленыя мной ад больш ранніх часоў да сённяшняга дня, — расказвае архітэктар. — Праз гэтыя працы можна прасачыць вытокі маіх ідэй — ад самых першых да больш позніх. Я прэзентую і свае больш вядомыя праекты, такія як Беларуская мемарыяльная капліца ў Лондане, а таксама пан-Еўрапейскі мемарыял ахвярам таталітарызму XX стагоддзя ў Бруселі, яшчэ праект вінтажнай аўтамабільнай галерэі і працу для Fank Dale & stepsons і іншыя праекты. Каля 40 працэнтаў прац на выстаўцы маюць адносіны да Беларусі, таксама я ўпершыню пакажу публіцы мае малюнкі, натхнёныя візітамі ў Слонім і асабістымі ўспамінамі пра сям'ю Каплінскіх. Маё сяброўства з імі пачалося з таго, што Сямён Каплінскі (дзядзька Наташы Каплінскай) аднойчы наведаў Беларускую царкву ў Лондане і вельмі ўпадабаў яе — з гэтага пачалося добрае сяброўства.

Цзыўай Со таксама працуе над праектам рэстаўрацыі сінагогі ў Слоніме. Ён заклікае беларускіх архітэктараў далучацца да працы.

Ніна ШЧАРБАЧЭВІЧ

Выбар рэдакцыі

Эканоміка

Энергія смецця, якасць вады і зніжэнне затрат удвая. Камунальнікі і навукоўцы абмеркавалі ўплыў інавацый на жыццё галіны

Энергія смецця, якасць вады і зніжэнне затрат удвая. Камунальнікі і навукоўцы абмеркавалі ўплыў інавацый на жыццё галіны

Святлодыёды са шматслойнымі нанаплёнкамі, якія мяняюць колер у залежнасці ад часу сутак і падстройваюцца пад біярытм чалавека...

Спорт

Сёлета футбольнаму клубу «Віцебск» спаўняецца 60 гадоў

Сёлета футбольнаму клубу «Віцебск» спаўняецца 60 гадоў

«У юбілейны сезон хацелася сур'ёзна адзначыць дзень нараджэння. Але пандэмія каранавіруса ўнесла свае карэктывы».

Эканоміка

 Фiнансiстам патрэбны банкноты — прымаюць любыя. Банкi гарантуюць, што захаваюць нашы грошы

Фiнансiстам патрэбны банкноты — прымаюць любыя. Банкi гарантуюць, што захаваюць нашы грошы

Фiнансавыя паслугi адзiн аднаму людзi аказваюць ужо тысячы гадоў.