22 мая ў 18.30 у кніжнай краме “Книги и книжечки” (пр-т Незалежнасці, 14) адбудзецца творчая сустрэча з вядомай беларускай пісьменніцай Людмілай Рублеўскай. Літаратарка пазнаёміць наведвальнікаў з серыяй раманаў “Авантуры Пранціша Вырвіча”, якая выходзіць у Выдавецкім доме “Звязда” з 2012 года, раскажа пра сваю новую кнігу “Авантуры Вырвіча з банды Чорнага Доктара” гэтай серыі, падзеліцца цікавымі фактамі са здымак фільма па сваіх фантасмагарычных раманах.
Творы распавядаюць чытачам пра неверагодныя, захапляльныя прыгоды шляхціца Пранціша Вырвіча і яго вернага спадарожніка доктара Баўтрамея Лёдніка. Падзеі гістарычнага фэнтэзі адбываюцца ў XVIII стагоддзі – у эпоху авантурыстаў і алхімікаў, рыцараў і чароўных дам, палацавых інтрыгаў і крывавых войнаў.
Чакаем вас!
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
