Вы тут

У сталіцы завяршыўся фестываль-конкурс моды і фота «Млын моды»


Маштабны маладзёжны праект, які штогод ладзяць міністэрства адукацыі Беларусі і Нацыянальный цэнтр мастацкай творчасці дзяцей і моладзі для маладых дызайнераў, фатографаў, стылістаў і мадэляў, фінішаваў у Мінску.


«Ласкава запрашаем у Беларусь, краіну спорту і крэатыву!». Гэты слоган акрэсліў для ўдзельнікаў маштабнага маладзёжнага праекту асноўныя творчыя тэмы: ІІ Еўрапейскія гульні, якія сёлета прымае Мінск, і Год малой радзімы — нацыянальная самабытнасць, культурныя традыцыі ў сучасным увасабленні. У конкурсных паказах 66 калекцый-фіналістаў узялі ўдзел 150 пачынаючых мадэляў. А ў межах ужо традыцыйнага дабрачыннага праекту «Стыльны пачатак» на подыум ужо ў восьмы раз выйшлі выхаванцы Мінскай абласной школы-інтэрната для дзяцей з парушэннямі слыху (пры гэтым, зноў жа па традыцыі, пасля дэфіле ўсе юныя мадэлі атрымалі прадэманстраванае стыльнае адзенне ў падарунак). Работы 10 фатографаў прайшлі ў фінал у намінацыі «Фота» і былі прадстаўленыя на адмысловай выставе.

Імёны пераможцаў конкурсу арганізатары абвясцілі падчас гала-канцэрту. Так, у намінацыі «Школа моды» для стваральнікаў калекцый жаночага адзення найлепшай стала Вера Комлік з інстытута сучасных ведаў імя А. Шырокава, а лепшым дызайнерам калекцыі адзення для мужчын быў названы Кірыл Урбан з Цэнтра тэхнічнай і мастацкай творчасці дзяцей і моладзі «Зорка», што ў Фрунзенскім раёне сталіцы. Аўтарам найлепшай калекцыі адзення для падлеткаў прызналі студэнтку Інстытута сучасных ведаў Кацярыну Козак, а найлепшую калекцыю для дзяцей прадставіла Ірына Іскрыцкая з Уваравіцкага цэнтра дзіцячай творчасці Буда-Кашалёўскага раёна. У намінацыі «Майстар моды» перамогу атрымала Наталля Касцова з Мінска. Прызы атрымалі і найлепшыя фатографы і мадэлі ў намінацыях «Фота», «Міс мадэль Беларусі», «Містэр мадэль Беларусі», «Мадэль-дэбют» і «Топ-мадэль фестывалю».

Таксама ў гала-канцэрце прадставілі свае калекцыі спецыяльныя госці «Млыну моды-2019» з Расіі, Украіны, Латвіі, Францыі, і ўпершыню — з Сербіі і Кітая. Прафесіяналы моды з гэтых краін выступілі ў якасці міжнародных экспертаў у журы, а ў дадатак уручылі свае асобныя прызы ўпадабаным канкурсантам.

Але галоўным падарункам для пераможцаў і прызёраў стала магчымасць замежнай стажыроўкі і ўдзелу ў Тыднях моды выстаўках і конкурсах маладых дызайнераў у Мілане, Маскве, Парыжы і іншых модных сталіцах. «І гэта не проста ўдзел дзеля ўдзелу, — падкрэслівае кансультант упраўлення сацыяльнай, выхаваўчай і ідэалагічнай работы Мінадукацыі Ларыса Емельянчык, — гэта штуршок для творчага развіцця нашых дызайнераў, якія адчуваюць сябе часткай сусветнага працэсу, і павышэнне прэстыжу нашай краіны». Так, летась беларусы ўдзельнічалі ў міжнародных творчых майстэрнях у Мілане, прадставілі 4 модныя калекцыі ў Яраслаўлі на «Volga Fasion Fest», выступілі ў Маскве на міжнародным конкурсе дызайнераў «Рускі сілуэт» і ў Парыжу на Фестывалі славянскай моды «Fil Rouge», дзе наша дызайнер Таццяна Тур узяла Гран-пры, паказалі свае работы на конкурсах у Вільнюсе і Лодзі.

Вікторыя ЦЕЛЯШУК

Фота Канстанціна ДРОБАВА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.