Вы тут

На выхадныя будзе да плюс 26 градусаў і пераважна без ападкаў


За першую палову месяца месцамі па краіне ўжо выпала месячная норма ападкаў. Але ў гэтыя выхадныя дні атмасферны фронт, які абумовіў няўстойлівае з дажджамі надвор'е, перамесціцца на крайні паўднёвы захад Беларусі. На астатняй тэрыторыі адаб'ецца ўплыў скандынаўскага антыцыклону і будзе па-сапраўднаму цёпла, паведамілі спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


У пятніцу яшчэ захаваецца няўстойлівае надвор'е, а франтальны раздзел прынясе пераважна па паўднёва-заходняй частцы краіны кароткачасовыя дажджы, месцамі навальніцы і моцныя дажджы. Максімальная тэмпература складзе ад плюс 16 да 22 градусаў, месцамі па Гомельскай вобласці паветра прагрэецца да 25 цяпла. У выхадныя на большай частцы тэрыторыі краіны надвор'е стане вызначаць вобласць павышанага атмасфернага ціску, таму будзе пераважна без ападкаў, толькі ў паўднёва-заходніх раёнах адаб'ецца ўплыў маларухомага франтальнага раздзелу, дзе не абыдзецца без кароткачасовых дажджоў.

Ападкаў практычна не будзе ў суботу, толькі месцамі па паўднёвым захадзе пройдуць кароткачасовыя навальнічныя дажджы. Тэмпература паветра ўначы складзе ад плюс 6 градусаў па паўночным усходзе да 15 цяпла па паўднёвым захадзе краіны. Удзень прагназуецца 19—24 градусаў вышэй за нуль. У нядзелю па паўднёвым захадзе чакаюцца кароткачасовыя дажджы, месцамі навальніцы. Уначы чакаецца ад плюс 6 па паўночным усходзе да плюс 16 градусаў па паўднёвым захадзе краіны. Удзень будзе сонечна і камфортна — 21—26 цяпла.

Сяргей КУРКАЧ

Загаловак у газеце: За дажджамі ідзе цяпло

Выбар рэдакцыі

Грамадства

Мінчанка трымае ў аднапакаёвай кватэры жывога пітона

Мінчанка трымае ў аднапакаёвай кватэры жывога пітона

У Машы Афанасій жыве каля года. Такі незвычайны падарунак ёй зрабіў сябар.

Грамадства

Удзельнікі праекта «Настаўнік для Беларусі» стануць «свежым ветрам» у педкалектыве

Удзельнікі праекта «Настаўнік для Беларусі» стануць «свежым ветрам» у педкалектыве

1 верасня ў беларускія школы ў невялікіх населеных пунктах прыйдуць 12 крэатыўных і неабыякавых педагогаў, якія павінны ўдыхнуць у іх новае жыццё.

Эканоміка

Зменіцца парадак прыняцця рашэнняў у сумесных домаўладаннях

Зменіцца парадак прыняцця рашэнняў у сумесных домаўладаннях

Гэта прадугледжана новай рэдакцыяй Жыллёвага кодэкса, якая была прынята сёлета ў пачатку мая, а ўступіць у сілу з 1 студзеня наступнага года.