Вы тут

Зацверджаны план мерапрыемстваў па Дырэктыве аб развіцці будгаліны


Зацверджаны план мерапрыемстваў па рэалізацыі Дырэктывы нумар 8 "Аб прыярытэтных напрамках развіцця будаўнічай галіны" ад 4 сакавіка 2019 года. Гэта прадугледжана пастановай Саўміна нумар 296 ад 14 мая 2019 года, паведамляе БЕЛТА са спасылкай на Нацыянальны прававы інтэрнэт-партал.


У план уключана больш за 60 мерапрыемстваў. Прадугледжана распрацаваць і ўнесці ў Савет Міністраў праект указа "Аб удасканаленні дзяржаўнага рэгулявання ў будаўніцтве", праект пастановы ўрада аб карэкціроўцы пастановы ад 21 сакавіка 2014 года нумар 252 "Аб некаторых пытаннях атэстацыі юрыдычных асоб і індывідуальных прадпрымальнікаў, кіраўнікоў, спецыялістаў арганізацый і індывідуальных прадпрымальнікаў, якія ажыццяўляюць дзейнасць у галіне будаўніцтва" ў частцы ўдасканалення механізма атэстацыі, праект указа "Аб некаторых пытаннях лічбавай трансфармацыі кіравання жыццёвым цыклам аб'ектаў будаўніцтва" і інш.

Акрамя таго, намечана ўнесці змяненні ва ўказ ад 7 мая 2014 года нумар 214 "Аб развіцці гарадоў-спадарожнікаў". Змяненні закрануць вызначэння падыходаў да накіравання сродкаў бюджэту Мінска на будаўніцтва жылля, сацыяльнай, інжынернай і транспартнай інфраструктуры ў гарадах-спадарожніках Мінска і замену заказчыка па распрацоўцы іх генеральных планаў.

Пастанова прадугледжвае распрацоўку і зацвярджэнне планаў-графікаў будаўніцтва жылых дамоў (кватэр) для шматдзетных сем'яў, у адпаведнасці з якімі з 2021 года будзе забяспечана накіраванне шматдзетных сем'яў на будаўніцтва жылых памяшканняў на працягу аднаго года з дня іх пастаноўкі на ўлік маючых патрэбу ў паляпшэнні жыллёвых умоў.

Пры фарміраванні жыллёвай праграмы на чарговы фінансавы год неабходна будзе ажыццяўляць штогадовы ўвод у эксплуатацыю не менш як 135 тыс. кв.м арэнднага жылля, у тым ліку за кошт бюджэтных сродкаў - не менш як 90 тыс. кв.м.

Таксама вызначана ўвядзенне ў практыку страхавання прафесійнай адказнасці праектнай арганізацыі за распрацаваную праектную дакументацыю.

Персанальная адказнасць за выкананне плана ўскладзена на кіраўнікоў рэспубліканскіх органаў дзяржкіравання, іншых дзяржарганізацый, падпарадкаваных ураду, аблвыканкамаў і Мінскага гарвыканкама.

Пастанова ўступіла ў сілу з дня прыняцця.

Выбар рэдакцыі

Грамадства

Што трэба, каб пражыць даўжэй?

Што трэба, каб пражыць даўжэй?

Герыятр распавядае пра сакрэты доўгажыхароў і тое, што падаўжае наша жыццё.

Культура

«Беларусьфільм» паказаў свой найцікавейшы фільм за апошні час. Ён пра вайну

«Беларусьфільм» паказаў свой найцікавейшы фільм за апошні час. Ён пра вайну

«Як думаеш, а заўтра нехта пра нас успомніць?» — пытаецца на вялікім экране адзін ветэран у другога і атрымлівае абнадзейлівы адказ. 

Спорт

З агнём Еўрапейскіх гульняў карэспандэнт «Звязды» адправілася ў кар’еры

З агнём Еўрапейскіх гульняў карэспандэнт «Звязды» адправілася ў кар’еры

Сярод 450 шчасліўчыкаў, якім даверана несці факел з агнём ІІ Еўрапейскіх гульняў, аказалася наша Дар'я Лабажэвіч.

Грамадства

Будні сельскага ўрача

Будні сельскага ўрача

З якімі наступствамі аптымізацыі прыходзіцца яму сутыкацца падчас работы.